يا حزن عيني ودمع الإنكسار ..
يا وجع قلبي وتأنيب الضمير ..

يا بطى الساعة وطول الآنتظار ..
والليالي دمس والعابر ضرير ..

والله إنّي ما جنيت من الثمار ..
غير صبري ما شربت من الغدير ..

كنت ابوح احيان جملة بإختصار ..
في خيالي تعني الشيّ الكثير ..

كنتوا تظنّوا كلامي مستعار ..
ما كشفتوا منه جانبه المثير ..

والظلام اللي سرق نور النهار ..
كان يخدعكم بكلّ اللي يصير ..

من زمن قدّمت مليون إعتذار ..
والبشر تطعنّي وظهري كسير ..

طحت لكن طحت واحلامي كبار ..
قمت لكن قمت ما كنت أستجير ..

كان صمتي والألم بحشاي نار ..
يحرق إحساسي وأحسّ إنّي أسير ..

ودّي أحكي وأتّخذ مرّة رقرار ..
ودّي أسأل كلّ مأمور وغفير ..

ليه مات الصدق؟ لو مات بحصار ..
وليه عاش الكذب؟ لو عمره قصير ..

وليه تاه الحقّ ؟ لو تاه بقفار ..
تعبت أقدامه ولا قادر يسير ..

وليه سار الباطل بنفس المسار ..
عاث بالدنيا وطاف وهو حقير ..

وليه كار المرجلة ما عاد كار ..
والكرامة ليل بارد زمهرير ..

والسنين اللي نعايشها مرار ..
والعدو اللي يواجهنا خطير ..

الحقيقة بسّ شطر بإختصار ..
دايم الدنيا تجي ضدّ الفقير ..

دمتم بكلّ خير
#شعرعلاءالغانم

مقطوعة صباحية يوم الأحد 2018/12/9 م