واللي خـلـق خـلقـه وسواه من طـين
مـا راق لـعـيونـي سـواك وضمـيتـه

ثـق بـعـربـيـه قـولها قـول صدقيـن
اقـســم بـمن سـخـر عـباده لبيـته

انـك تـساوي في عـيـوني مٰـلايـيـن
ولا فـيـه غـيرك راق لي واهـتـويـتـه

خـذ لك نـفس وارتـاح ياغـاية الـزين
عـهدٍ عـلّي مـادام عـهدي عـطيتـه

مـثلك انـا مـاشفت نـوعك قـليلـيـن
بـالـناس في مـنبت جـذورك وصـيتـه

لـقيت بك اخـلاص صـدق المحبين
ولـقـيت بك طـيبٍ بـأحد مـالـقيتـه

ولـقـيـت بـك سـر الـوفـا للوفـييـن
ومن كـل قـلبي قـمت له واحـتويته

ولـقـيت بـك حسن التعـامـل نـقيين
يـوم النقـا فـي طبع ساسك شريته

وشـعـاد تـبغى من ثـبوت وبـراهـين
آمـر وامـرك طـاعـةٍ لـك رضـيـتـه

نـشـفت ريـقي يـابـعـد كـل غـالـين
واتـعـبت قـلـبي لحـظـة انـك رجيتـه