جيت لك من فقد حاجه للحنين
في يـمين ٍ بـاسطـه راحـة يــدي

جيت لك لاتخذل الـدمـع الحزين
مـا استلـذيت الهنا في مـرقـدي

صـوتي الـمبحـوح بـاهـاتـه انـيـن
تـخـنـقـه عبرة تحدي واجهدي

لا تـواعـظـني بـشـرح الكـلمـتين
مالـهـذا حـثـت اقـدامـي تـعـدي

في حنانك ضمني لو لحظتين
ياشقيق الروح يـالـقلـب الندي

مابقى فيني رمق لـو خـطـوتـين
اتـحـمـل مـا يـفـاجـئــني غـدي

دمـعتينٍ فـوق خـدي جـمـرتين
صاح منها عمق روحي واسهدي

لـو بعالجها على طـول السنين
دونـها يـاقف لي الـحظ الردي

ياعضيد الروح يالماس الثمين
من بصيرة عين مقصوره يدي

اعطني من قوت حلك مايعين
تدفع اللي بالصدر يدوي دوي