جعلها خيره ودمعي عويض و مرجعه
للفرج وان طال وقتي مصيره ينطوي

احتسب حزني جعل عقب صبري منفعه
بين قطرات الضمايا وعد المرتوي

ي قوي من عقب حرب الظروف الموجعه
لا ني بذرعاني ضعيف ولا ني بالقوي

كن سيفي سيف بن عيد يومه يشلعه
من ظهر خيله وعداه في راس محوي

وكن وجدي من زما الوقت لا جا مصرعه
وجد من قد مات من خيرة اصحابه خوي

خلني ساكت وخذ مد علمك وارفعه
السوي عند المشاريه ما هو بالسوي

كل ما نادوه بالذيب محدن بردعه
ون تقاوى بالفرايس يثور ويستوي

يختلف لونه مثل ذيب راخي وامعه
بالضحى ياكل سفافه وبالليل يعوي

يارفيقي والعشق لا تهاون مرتعه
البرد في حايطه نار واهماسه دوي

شوف ابن عدوان في حب وضحى واسنعه
كل ما شاقه حكاها ينوح وينزوي

حب من قلبه وشف عين حبه مولعه
لا لقى مضناه شوش ولا غاب ايخوي

اينشهد ماني بعيد منه وطبعه
وان حرة جور الايام تاكل وتلوي

والله ان حزني من البعد جايد مدمعه
مثل دمع ن هله الشوق من عين ابدوي

القصيده صوتيه على هذا الرابط

www.cutt.us/cgN5

الشاعر / عبدالرحمن بن شعثان