كلام علال الحربيلي ....... انا وراسي واحساسي ...... - وكالة أنباء عرار بوابة الثقافة العربية ::: مؤسسة عرار العربية للإعلام.. #عرار العرب ولكل العرب .. معا من اجل ثقافة عربية موحدة وانفتاح على الثقافات المختلفة في الوطن العربي والعالم

كلام علال الحربيلي ....... انا وراسي واحساسي ......
خليوني عليكم انا وراسي واحساسي ..... شفت غرايب الدنيا يا اسيادي كثيرة
مابقات نية ولا تيقة في بعض ناسي ..... كانقول مابقى معقول وعايش في حيرة
هاذ الزمان غدار وحفْى اماسي ..... الطريق طوالت وتلاقا فيها لعشير ولعشيرة
انا بقيت فريد وحدي وزاد وطال كْلاسي ..... مالقتت راحة لا على الزربية ولا لحصيرة
ما بقى غير لغدر اميمتي طار نعاسي ..... المعقول هرب وقطع لبحر وسكن في الجزيرة
لغدر ما بغى يموت ايه وكاتعدبني نفسي .....لغدر سباب الحوت في تصيادو والشبكة كبيرة
ياراسي لساني مابين سناني والكلمة هي قياسي ..... بلمصيدة يتشد الطير الحر وبوعميرة
زمان التخمام دام وفات فياسي ..........لعمر مهما طال يا اسيادي عيشتو قصيرة
حمل ثقيل بالمشاكل وتعمْر راسي .....واللي سوْلتيه يبعْد اْلهيه والضحكة الصفيرة
عند شي ناس مابقات كلمة معقولة ووحدي نقاسي .....كلام الرزانة مابقات له غيرة

بعض لعيالات مابغاوِ يخبزو ملهيين في المسلسلات وعمر الضوسي .......

توصي الراجل من المخبزة يجيب كوميرة

بعض الناس يتكلمو في الناس هدا عريان وهدا مكسي ......كايحتارمو غير

مول المال وعمات لهم لبصيرة

ريحة الزهر كا تكتر في لعراسي ...... واش الحوت يا لخوت يطيب مع لحريرة
بمال لحرام نخاف ومانعمْر كياسي .....لحلال هو الصفى ولحرام ندير منو خيرة
الضو قضى على لانبة والشمعة مايضوي بها حتى الرواسي ..... والبوطة

قضات على المجمر وتقلقات ارتيلة

والبوطة قضات على اامجمر وولا الرابور منسي .... هدا عالم لبرابول

ولانتيرنيت والبرمة قضات على لكْديرة

الخير للغير اصبح مفقود لبعض النكارة كاتعدبني نفسي ..... عمر الخبز

مايتفخ بلا خميرة

من حر شي وحدين شاب راسي وطاحو ضراسي .....صحاب لقصارة امالين

الشكارةفي البار يديرو سكيرة

قلوبهم قاسحة مثل لحجر خليوني نحفر ساسي بفاسي .....دراهم لحلال تنبت

به مليون قمحة وشعيرة

في هاد الزمان عييت مانحفر وطحت في ساسي ....... بسال لحليب وغرزات حتى لبكْيرة

في كل طريق خاوية دزها في الليل قبل نعاسي ....نخاف من الغدارةيقتلوني وتبقى لمريرة

اللهم نمشي بين الناس ويكتر ادحاسي .....كاين اللي يقتل المسلم على درهم او ليرة

علاش هاذ الظلم كل واحد يقول اراسي ......عياوْ صحاب الوقت يعتاقلو الحبس والذعيرة

كاين اللي مابغى يتوب من هاد الذنوب وعاصي .......دازت ايامو في لحباس

بلا قياس وولا وجهو بحال النيرة

كاين اللي كايقلب على الحبس والسورسي .... لازم نقضيوْ على الرشوة يعني التدويرة

كْالو شي وحدين ادهن السير يسير حسي مسي .....هاك وارا والمعاملة بالتخنزيرة

وكاين اللي معمْر لقهاوي وفي الناس ذاوي تقساسي .....من اللحم الناس ياكلو هبيرة

بدلو لوغتهم خلاوْ العربية يتكلمو بلفرونسي .....ماكاين غير البيزنيس

وعزيزة عليهم التصمصيرة

وكاين اللي مبلي بلوطو ولعب التييرسي ......كل نهار يضيْع رزقو ويخلي اولادو في حيرة

وكاين اللي مبلي بالكيف ومهلي في السبسي ......يضرب اشقيفات ومن

ويتفكر حبيبتو في الصويرة

والمسخوط غارق كريدي من محماد السوسي .... عندو اير كاط من

الرادياتور كاتسيل ويكب فيها التحميرة

الله يعفو على عمي لعروسي ....... محشش لابس صباط مقطع ومن كل لون تقشيرة
من الكييف وطابة دابة يكون تقساسي .... لحشيش مرض خطير تكلمو عليه الدكاتيرة
كاين اللي يستعمل المعجون وياكل لكِراسي ......ياكل مايشبع وديما مخبع وعارف كل منيرة

وكاين اللي ديما سكران وفي وجهو مبليسي ........هدا هو حال اسكايري حتى يموت ويمشي للاخيرة

النشاط حتى شاط ونهار العيد درمو طاكسي ..... تمرمد بحال الكلب ومابغى يحشم والدم يدير تقطيرة

وكاين اللي شاب مبلي وعايش رواسي.......كبر وظهرو عواج مابغى زواج وكاري دويرة

الزغبي عاض في بزولة امو في الزناقي كاياكل الصوصيص و لكْناسي

.....كل مرة يشدو لوجع ويتقيى في لمجيرة

هدا كلام علال الحربيلي لسيادي ومن البليات نقطع اياسي ........ لازم

المسلم يتوب و الموت جايا مافيها توخيرة ....

دخول الاعضاء