صهيب المعايطه بني تميم ماني سياسي ولا احب السياسه
واللي يميزني عرفته مقاسي
احد(ن) يغير وجه واحد(ن) لباسه
ونا التزم بالوجه وايضا لباسي
ثلاثة ارباع العرب صار ساسه
هذا السبب زود علينا المآسي
واخر ربع يلقى الهوايا براسه
ونا بعرض الربع موجوع راسي
كل(ن) على ليلاه وده الرئاسه
ما كننا الا في نهائي رئاسي
كل(ن) شعاراته حكت قو باسه
ونا اقتنعت ان الضعف ساس باسي
انا اشوف ان العرب بالتياسه
بالصف الاول في زمان الكراسي
وان العرب اشلاء في جوف طاسه
وامجادهم عقب الذهب جت نحاسي
حاكم بشعبه يغرس اليوم فاسه
واخر لشعبه اصبح اليوم ناسي
واخر يذل اللي يجو كل ناسه
واخر تفرد بالخطاب الحماسي
واخر همومه يملي الراس كاسه
واخر تبع للغرب ويقول ... كاسي
واخر سنام المجد بالرجل داسه
واخر باشرافه يعوس الطواسي
وجهة نظر ... شاعر ولاهي فراسه
مضمونها ... هالحال ملت حواسي
طير نجد
|
|
|
||||||||||||||||||||||||||||||||||||||
|
|
||||||||||||||||||||||||||||||||||||||
  المشاركة السابقة : المشاركة التالية 
 |
|
|
|
|
Copyright©2016 All Rights Reserved
