ياعلي خل الرواخي يهرجنـي

• لين أفرج ياعلـي ضيقـةٍ فيّـه
  
  لاطرا لي بالهواجيـس دكنـي
  من سمـومٍ للهبـوب الشماليـه
  
  ياعلي كل المصايـب يهوننـي
  عند خلٍ ياعلـي غيـر النيـه
  
  عقب ماني في هوا الزين متهني 
  إختلف طبعه ولا النفس مبليـه
  
  ياعلي سهرن عيونـي وهلنـي 
  يزعجن الدمع مما طـرى ليـه
  
  ياعلي سودٍ مظاليـل وصابنـي
  في هدبهن للعشاشيـق ماريـه
  
  مادريت إن الليالـي يخوننـي
  لين ذقت المر واضجيت حاليّه
  
  كل ماغمضت من ماه يهجعنـي 
  يسهرن للصبح ويزودهـا كيّـه
  
  كيف صابنـي وعيّـن يداونـي
  أشهد أن الحـب مافيـه حنيّـه
  
  ياعلي كيف الغضي مانشد عني
  القطاعـه ياعلـي فيـه مابيّـه