لاقمت اقرب واتسامح عن الصد
اخذ يلاعبي لعوب الهبايب

واكيل لك غيضٍ بالاعماق مشتد
من جرح جددته بدينك صوايب

وارضى سماحه لابدى الجد للجد
واتجاهل اللي قد حصل من سبايب

محال دوام الحال ياقطعة الوجد
وشلون اعالج فيك امر الغرايب

تعبت واتعبت البطا فيك عن بعد
وانته على منته كثير النشايب

بين العقل وجنون مايوصفه حد
وبين اتزان وطيش حضور غايب

كيف الوسيله كيف محتاجه الرد
لا فاد بك حلٍ ولا نصح نايب

افقدتني صبري وش اقول واعد
من بعد لبست السواعد كلايب

لا حرك الساكن ولا اتفوه ابرد
ياغير دمعٍ فوق خدي سكايب

يالوعة اللي لاعه الوقت وانحد
على حمل ضيم القهر والنوايب