كنت في زيارة لاإحدى صديقاتي وطلبت مني ان اكتب شعر غزل

واترك القصائد الوطنية والقبلية ,,

بصراحه حاولت اكثر من مره ولاكن فشلت كل محاولاتي

ووجدت نفسي اكتب هذه المتواضعه :

البارحه في تالي الليل ونيت =وبديت اوصف بالقصايد شعوري

كتبت لي من وحي الاشعار كم بيت=الكامل الله والعفو من قصوري

اوهام او احلام هذا التمنيت=بنات فكري يحضرني ضروري

الحاصل اني في قراري تعديت=اني ادلل بالقوافي غروري

وفي واحة الالهام بأفكاري سجيت=شاعر غزل يزرع بساتين جوري

حسيت اني بأمنياتي تماديت=وطلعت عن مبدا تباريح طوري

الين صاح القلب شمر وفزيت=لاعشق يعنيني ولا الدور دوري

انا الذي في ظل غلبا تربيت=حب الطنا بشريان قلبي يفوري

بتاريخهم كل االقبايل تحديت=في مدحهم يثني القصيد ويثوري

شمر عمود البيت كسابة الصيت=امجادهم كل الملاحم تزوري

هم مسندي هم لابتي لاتنخيت=من حايل لسنجار دم مخشوري

ويحق لي في عزوتي لاتباهيت=نجم ٍ على كل الكواكب يدوري