لا ردك الله يازمــــان الـمــعاناالـمــعانات ..
بين السياسة وبيـن حـرب(ن) ضروسـي

هـبـيـت يـاعـصـر الـشـقـا والاهـانــات
ذلــن تـوهــج فـــي ردات النـفـوسـي

ربـيـع لاكــن امحـلـت بـــه حـكـومـات
هــذا مــع أمريـكـا وهــذاك روســـي

نصبر على جور الليالي الشـديـدات
ولانبغي حكم (ن) شرعوه المجوسـي

ضيـعـت عـمـري بالتـمـنـي والاهـــات
عـمـرٍٍ ٍ مـضـى ماينـشـرى بالفلـوسـي

ابديـت مـن جـاش الحشـا عــدة ابـيـات
جـزل القوافـي منبعـه مــن هجـوسـي

ياقـلـب لاتبـيـح تــرى خـافـقـك مـــات
وارجــوك لايبـيـن علـيك محسـوسـي

يلـي تراهـن شـف دمـوعـي عـزيـزات
شـربـت مــن مــر الـزمـان بكـؤوسـي

الله عطـانـي عــز فــي داخــل الــذات
شامخ كريم(ن) في حشـاي مغروسـي

وأرجــوك لاتـغـالـط بـكــل الـمـجـالات
فـزت وخذيـت الكـاس بكـل الـدروسـي

لاتحسـب انـي مــن نـسـاءن ضعيـفـات
عزومـي قويـه منبتـه عــرق سـوسـي

بالمـاضـي كـانــت أمنـيـاتـي بـريـئـات
طالـب مـهـذب فــي قـيـام وجلـوسـي

وبعـد العنـا خضـنـا تـجـارب عسـيـرات
وافنيت عمـري فـي تصـدي البسوسـي

مـــع الـسـلامـه يـازمــان المـتـاهـات
امل قديـم(ن) فـي ظلوعـي محبوسـي

للشاعرة الشمريه المجهوله