عـادي وانـا ادري شـي ماهو بعادي

اغيـب واسجـل عـلى غيابي حضور

مـن كـسرة الدنـيـا وخـوف المرادي

وفي ضجة الـوحده انا صرت ميسور

وانـا اعشـق الـوحـده ولاني بهـادي

اربـع سنـينن كـنهـا تـسعـة اشـهـور

مـرت مثـل مـامـر فـينـي رقادي

والهـم فـينـي تعجـز تشيله اصدور

لكـنّ فـينـي صـار شـي اعتيادي

اجـامـل العـالـم ليـا صـرت مجـبور

وشـلون مـاجامل واصـير انحيادي

يـاخـر امـل ويـاول ادمـوع واشعـور

يالهفتي .يـامُـنيتـي .يـابـلادي

انـا بـدونـك صـرت ضـايع وماجور

والنـاس في وادي وانـا وسط وادي 

زل الـعـذر مـنـي ولانـي بمعـذور

واجتاحـت الاخطاء وزود العنادي

 وغـنن بنـات الـدار في شطر مشهور

العـيس مـال العـيس ياكود حادي

اشـوف انـا صـورتك يـافتنة الحـور

مـابيـن نومـي وبيـن شربي وزادي

حـتى الامـانـي كـانهـا وعـد بالفور

مُحـكـم عـليهـا مـن قبيـل الايادي

امـسي ولا اصبح غـير منهي ومأمور

عـن الحـياه وعـن لـذة رقـادي

خـيانتـك ماهـي خـيانـه لـدستـور

خـيانتـك لارضـي وعهدي ومهادي

اكفكـف الدمعـه لـيا ضـقت يانـور

والعـيس مـال العيس ياكـود حادي

‎#الشاعر سلطان الحدب الشمري

تم النشر بالتنسيق مع منتدى عروس الشمال