أن قيل وأن ما قـيل وألا رثـيناه
أنا أشـهد أن اليوم راح منا وليده

سهم القـدر عجل صابه ما تمثنـاه
في حادث جعل الولي ما يعيده

مرحوم ياللي دوم يضحك محياه
سمحن جنابه و المواقف حميده

فيه المرؤه والتواضع لمن جاااااه
يعطيه ماجوبه و لو هو ضديده

شهمن ٍ وفي حميده وكل سجاياه
يم العلا هو مات و نفسه بعيده

ساعد الجار ويبي المعروف يلقاه
ورب المقادير كتب حكمه بعبيده

وراح ابو زيد وأكثر الناس تنعاه
عبر الأثير المرئي وكتب بجريده

يا الله ياللي دوم طيبات عطاياه
يا من بديت الخلق وتقدر تعيده

يطلبك عبد مخلص وأنت رجواه
يا حي يا راعي العطايا الحميده

ترسل علي قبره عبيرن وتغشلاه
غيث من الرحمه يفيض ويزيده

وأرسل علي قبره سحاب نثر ماه
يروي ثرى قبرٍ سكنه هذاالفقيده

عسى الله عنا أحسن الخير يجزاه
وجنات عدن ٍ يجعلها من رصيده

طالبك ربي جنة الخلد له ومثواه
امين يارب ترحمه ياراحم عبيده

وصل الله ع أشرف الخلق بتقواه
نبينا محمد راع الاخلاق الحميده