|
|
|
|
ردود بعض الشعراء ١-الدكتور علي مسفر وبعض النسا مثل البيوت القديمه ذوق وتعادل قيمته عن مية بيت ٢-علي بن نامش وبعض العرب مثل البلاد العقيمة تحرث وتسقيها ولا كنك اسقيت ٣-مرضي العمري وبعض الصور في الواقعية أليمة لو كان يخدمها في الظاهر الصيت ٤-صالح بن عزيز بعض العرب. غيباته أكبر غنيمه. وبعض العرب لا شفت زوله تعافيت ٥- عبدالحميد الفهمي وبعض العرب زوداً على غير قيمه ومعقداً ماينحفظ مثل الاوبريت ٦-عبدالواحد الزهراني ما هو بشرط يكون للشي قيمة يحرق مدينة كاملة عود كبريت ٧-سعيد بن هضبان بعض العرب حياً ولا فيه شيمه ماينذكر بالخير حياً ولاميييت ٨-مدشوش الاكلبي انا صديقي في الامور العظيمه اللي يدور لي عذر لا ترديت ٩-احمد الذبياني واكبر خسارة حق واكبر جريمه لاصار دم ابن ادم ارخص من الزيت ١٠-سعود المسيلي هذا زمان الكبريا والظليمة والمظهر الزايف وشل الاتيكيت ١٢-محمد بن ثايب ياحبني للعالم المستقيمه اللي توجهني ليا مني اخطيت ١٣-علي الدوسي تعيش في عز وكرامه ب خيمه ولا بقصر بغير عزآ ولا صيت ١٤-احمد رده الحارثي وبعض العرب دكتور كذب ونميمه وبلا شهاده لا انتخيت وتعزويت ١٥-سعيد بن عبد الله الغامدي وبعض العرب يعيش لاجل النميمه والبعض يحمي ساقتك لو تناسيت ١٦-أحمد بن زري وبعض العرب ينعم بنيه سليمه من طيب كيفه يكرمك لاتقهويت ١٧-سعود الصبحي وبعض العرب فالنار مثل الهشيمه شعله ولا يدْفيك لا من تدفيت ١٨-احمد المنتشري وبعض العرب مثل العقول الحكيمة لاغابت الرؤية لشوره تركيت ١٩-عبيد بن جدران وبعض العرب طبعه يشابه حريمه حسافة يا عود في ذا تعنيت ٢٠ -مبارك بن هداف بعض العرب قبل يتكلم صتيمه واليا تكلم قلت يا ليتك امسيت ٢١-احمد بن خضران بعض البشر طبعه طبايع بهيمة مؤذيك بالوادي ومؤذيك بالبيت ٢٢-سعد عبدالله الخثعمي بعض السوالف عاقبتها وخيمة من شان عسر القاف للقاف جاريت ٢٣-احمد بن فهيد الخثعمي وبعض العرب كانه على ظهر ريمه يسرح ويضوي مادرى ويش سويت ٢٤سعيد مهدي القحطاني وبعض البشرمعرفته اكبرجريمه ارفع جنابك من معرفة سرابيت ٢٥-ناجي حماد العرعري الرشيدي اي والله ان البال جته الظليمه يامن بني عمي ويامن تمنيت 26-محمد الثوعي بعض العرب ماله مواقف كريمه عايش مع شلة خبول وهلافيت غابت الشمس وتجمعوا الأحباب يترعوا نبيذ القمر ووشوشةًالغيمات كاساتهم قوافي عسل صداحة الآهات تنشد أماسيها وتغيب بالضحكات همهمات غيبها الريح واحرق الهمسات همسات صارت حكايا حب مشلوحة بين النجمات ترقص على.أنينها مجامر السهرات وآهات عشق وحنين تمسح دموع الوردات وتترك جدائلها تترنح على هبوب النسمات الكاتب:
مراقبة التحرير والنشر بتاريخ: السبت 16-12-2017 05:25 مساء
الزوار: 3729 التعليقات: 0
|
Copyright©2016 All Rights Reserved
