نجم لمع بالصيت تعدى حدوده

واعجز بأبيات حقه أنا أوفيه

شيخ ولد شيخ من سالف عهوده

زين الخصايل فيه والكل يغليه

أبو خالد حلال كل معقوده

وبالقدر على الراس ربنا يحميه

الله مع اللي معروفٍ جدوده

وعسى الهنا والسعد دايم يباريه

بكل موقف أسد مثبت وجوده

صعب على الأنذال تاصل مواطيه

بالمراجل أشهد ما حدٍ يزوده

بالشهامة ما شفت منهو يجاريه

وبيت مشرع وضيوفه وفوده

وكلمة هلا تزهاه يومٍ تحاكيه

بالبشاشة والحلا ريان عوده

يا سعد من هو يسكن علاليه

كالبحر والناس تسمع بجوده

وتنصاه لو كانت بعيده أراضيه

هذا ابو خالد ما يعرف الصدوده

ويصفح حتى عن اللي يعاديه

بالكرم والطيب وشهامة وزوده

والنبأ الطيب يومٍ انك تلاقيه

أفعاله كالأزهار أينع وروده

ورجاحة بالعقل مولاي معطيه

ابن زايد عن كل حقٍ يذوده

وما يهتني الحين يرده لراعيه

مثله قليل وعلى الأصابع معدوده

واسألوا كم محروم صدره مدفيه