بمدينة الملك عبدالعزيز الطبية في منطقة الرياض وذالك في يوم الثلاثاء الموافق 2-2-1433هــ حيث بدأت الفعاليات من الساعه التاسعة صباحا وحتى الثالثه عصرا وكان للشاعر والاعلامي ممدوح سماح العفري هذه المشاركة ..

نداء للي عالم الغيب شافاه
يفطن لمبليً عنا الوقت ضامه

يفطن لمن زاد الألم فيه و اعياه
مايهتني مصبح ولافي منامه

معه فشل يغسل على الدايم إكلااه
او علة بالكبد زادت اسقامه

واللي يصيب العبد تكفير سياه
لطف ً من المعبود منشي غمامه

افطن لمن كبر المرض فيه و اشقاه
صار التعب في وجه مثله علامه

من قبل لاينعاك والا انت تنعاه
بادر تبرع له وخفف الامه

ترى التبرع خير والله يرضاه
من يفرج الكربات يسمو مقامه

يارب ترحم من تبرع وترعاه
برعايتك نجه بيوم القيامه

اللى سعى بالخير فالله يجزاه
بالخير و الجنه ويغفر آثامه

بادر بفعل الخير فالخير منجاه
و اياك تبخل تزرع الابتسامه

وختامها برفع يديني إلى الله
وانتم بعد ياهل الوفا والكرامه

عسى المريض اللي تألم و قال آه
لنا يقوم من المرض بالسلامه

الشاعر و الاعلامي ممدوح سماح العفري