وأنــا الـلي صـاينٍ الـعهد لأجـله
وأنـا الـلي شـايلٍ هـمه وأعـاني

فــؤادي بـالـهواء مـاحـب غـيره
عـشـقته حـيـل ذاك الـمودماني

مـــع الأيـــام وطـــوال الـلـيالي
بـنـيت آمــال وأحــلام وأمـانـي

لـعل الـجرح يـبرى فـي رجوعه
ويـهـنا الـقـلب وتـزيـد الـتـهاني

وشـعرت أنـه عـلي طـوّل غيابه
وزاد الــهـم مـــن شــيٍ دهـانـي

أحــــاول أتــسـلـى دون ذكـــره
وقـلبي يـرفض الـفكرة عصاني

وأنا مدري حبيبي ويش علومه
نـسـانـي بـالـزمان أو مـانـساني

ولـكـنـي عــلـى عــهـد الــمـوّده
أبـــد مـافـكـر إبـمـحبوب ثـانـي

    ســــعــــد بـــــــن زمــــانـــان

رمـانـي بـسـهمه الـقـاتل رمـاني
حـبـيب رامــه الـقـلب وشـعاني

حـبـيبي واعـتـرف انــي احـبـه
صـميم الـقلب لـه حب ومكاني

انــا ويــاه عـشـت الـحـب كـلـه
وحـضن حـبي ومن وده رواني

وسقاني من لذيذ. العشق عذبه
وخذاني من همومي واحتواني

ويـالـيت ان الـقـدر عـنـا تـغافل
وتـركني مـع حـبيبي في اماني

ولـكـنـه فــرق قـلـبي ،،،،وقـلـبه
وشـعـانا بـالـفراق الــي كـوانـي

وتـكسر خـاطري واعـلن حداده
ومـات الـحب فـي قـلبه نساني

وضـاع الـحب فـي دنيا عجيبه
تـركني فـي لـظى الـفرقا اعاني

  شـيخـــــه الهـيـــــلا