يا اهل العقول الراجحة ويش الاسباب
أنتم يجيكم شي نوبٍ يجيني؟

أنزل من الموتر ولا أسكّر الباب
وأدور الحاجة وهي في يديني
نايف أبا العون

*

أبشرّك يا نايف بكثر الاصحاب
ماهيب كلمة راس بينك وبيني

نظارتي من يوم ما عارضي شاب
أحيان أدوّرها وهي فوق عيني
سداح العتيبي

*

شابت عاورضنا وانا توني شاب
والمشكله ماهي في الشيب فيني

اراجع الدكتور ويقول كذاب
وادور السبحه وهي في يميني
بندر الشلاحي

*

ياصاحبي شرحك سرا قبل الاسناب
‏ومن بعدهن كل يوم وضعي يشيني

‏من سورة التكوير ارجع للاحزاب
‏والمغرب أصليها في ركعتيني
ابوعلي الرويلي

*

لاتشكي لنا الحال ياعز الاصحاب
‏وشلون لو تدري باللي يجيني

‏وش تقول بالواقف على الباب
‏مدري انا طالع او مع الداخليني
‏انور الرويلي

*

ما الومكم صرنا سوا مثل الاغراب
حتى مع الاحساس للعاشقيني

احيان اقول اهواها بإحساس كذاب
واحيان اكرهها وهي وسط عيني

احمد المنتشري

*

بالله عليكم صدق يا إولي الالباب
يالله انا طالبك يالله تعيني

الذكر ثم الذكر تاليه ماخاب
ما يضيع فكر اللي نهجبه سنيني

✍️عبدالرحيم بن سعيد النوفلي

عشنا وشفنا مايسبب لنا اتعاب
والعمر يركض والمشاعر تشيني

احيان أدور وين اناوين الاقراب
واقراب عندي بين شك ويقيني

محمد_الثوعي

يا نهر في شط الجزيلات ينساب
يا مرحبا بك فوق راسي و عيني

ضغط الحياةشتت أحاسيس الالباب
و الدائن اصبح في حسابه مديني

شايف الحرارة