كل يوم انا أبدع ........... بفكره جديده
يصدح بها قافي ........... بحداثه وأصاله

رجزت انا شعري ....... سريعه ومديده
ومسحوبه اللي ........لك مداه ومجاله

وطوعت صعبات ....... القوافي العنيده
وضمختها بالمسك ....... في كل حاله

وإن كان حرفي ......... أنقصه أو أزيده
ما دام هو لك يا ........ حلاته وجماله

يا كل مالي .........  بالحياة ورصيده
اللي سلبني منه ........ غنجه ودلاله

كل الدروب بدون ....... وصلك بعيده
والعقل ما يدري الهدى من الضلاله

وتمسي قوافي الشعر هشه وبليده
وتعلن بحوره ......... كبوته واختلاله

ياللي غلاك بعمق .........قلبي ووريده
لا تقطع جسور .........الغرام وحباله

ولا تسمع العاذل......... ومكره وكيده
والقلب لا تحمله ......... فوق احتماله

أنا غرامي لك ......... يقين وعقيده
في مذهب العشاق......... مافي مثاله

كف الهجر خلنا .........هوانا نعيده
وارحم حشاشة قلب ......... زاد اعتلاله

عسى تعود ايام ......... حلوه وسعيده
فيها ارتشفنا الحب ......... شهدن زلاله

إنت الغلا والحب ......... وانت القصيده
وانت اختياري في ......... الهوى لا محاله