-
على قد ما بتقســـــــى عليّا
وتفتحى باب العتـــــــــــــــاب
بالتقى لى ألف باب
مفتوحين
بحنان غريب
ياحبيبتى عُمر قلبى ما كان حبيــــــــــب
غير للعيون اللى خادتنى
ودوبتنى
وعلميتنى إزاى أكون
عاشق يبات
جوّه القمــــــــر
والليل يِهون
فاتح بلاد الأمنيات
والحلم فارط سبحــــــتُه
وساب قِسمتُه وداس على رقاب السّــــــهر
يامُ الإيدين متشمرين
مخنوق انا وجايلك حزين
ضمى على الحلم الباقى
فِ اشتياقى لحضن حد
بس مش عارف لمين
فارد إيديا ع البراح
كل الى راح ومكنش سايب
غير جراح
لمى شتات حلم الطريق
واقفلى باب العتاب
دا المغربية جت أوام
مليون سلام
على حِلم غاب
على قد ما بتقســـــــى عليّا
وتفتحى باب العتـــــــــــــــاب
بالتقى لى ألف باب
|
|
|
||||||||||||||||||||||||||||||||||||||
|
|
||||||||||||||||||||||||||||||||||||||
  المشاركة السابقة : المشاركة التالية 
 |
|
|
|
|
Copyright©2016 All Rights Reserved
