الشاعر ابو عمار المصري
عـــــــا م ..سـعـيــــــــــــد
خِلِص الرَبيع
عِطر الورود انداس
واللى نِسِى ...واللى ا تنَسى
من روح زهورنا الطيبة
واللى هناك عند القبور
داس الجدور
واللى طلع صبّار
يا ميت خسارة ع الولد
يا ظُلم دايب فى المرار
إشرَب فى منقوع الظلام
واجتَـرّ فى الصورة
رُص الصفوف زىّ الحمام
ما العِـزّة مكسورة
واكتِب نَشيد .بكلام جديد
على كُل سبورة
خلى البراعم تحفضُه
وتردّدُه
عاش المَلِك
رَسَم الطريق ومحدّده
واحنا حنمشى ع الخُطَى
كل الفصول ...كا تبة النشيد
أربــَــع حِـصـَص
والفُسحة جوّة فى الفصول
لكن مفيش فُسحِة كلام
أستاذنا قال ..
طباشيرنا بيدوب فى السواد
يِكتب حِكاية للولد
تِحكى عن النيل والبراح
كان خطه واضح
كنا فاهمين الكلام
فين الحكاوى والكلام....؟
طباشيرنا لون السبورة
والمدرسة ..تِشكى الهروب
مِتكتـّفة ..كل الحروف
حتى الحيطان بتِلعَن الناس والظروف
كانت هِنا ..حِصّة موسيقى
وهناك جِنينة ومَلعبى
كل الآلات صَبَحِت تغنى
صوت نشاز
صادروا ملاعب فـَرحتى
ما اقدرش اشوف بَعد الإزاز
زرعوا الجِنينة ....آهات وموت
ورووها مِن دَم الزهور
راح الربيع ..طال الخريف
نستنّى لِلعام الجديد
جايِز نلاقى السبورة
مَكتوب عليها
تاريخ جديد
مكتوب عليها
عــام سعيـــــــد
بقلم ...الشـــا عـــر
أ بـــو عـمـــــــا ر ا لــمــصــــــــر ى
|
|
|
||||||||||||||||||||||||||||||||||||||
|
|
||||||||||||||||||||||||||||||||||||||
  المشاركة السابقة : المشاركة التالية 
 |
|
|
|
|
Copyright©2016 All Rights Reserved
