جائزة..نوبل..

جلس.. يتصفح الجرنال.. باهتمام بالغ..
سأله..صديقه..
فيه.. ايه..
جوائز.. نوبل..
مين.. اخذها ..السنة دى.
ثلاثة.. من امريكا..
وواحدة.. من كندا..
ومن المانيا.. وانجلترا..
ليه.. همه.. كم جائزة..
خمس جوائز كل سنة..اربعة منها ..بيسلمها ملك السويد
 فى فروع. الفيزياء. الكيمياء. وفى الادب..والطب
وجائزة نوبل..للسلام.. بتتسلم. فى النرويج..
ودى.. قيمتها. كبيرة..
طبعا..قيمتها. كبيرة. ماديا ومعنويا..
يعنى تساوى.. كم جنيه   كده
تقريبا.. عشرة مليون جنيه مصرى.. لكل جائزة..
مبلغ.. كبير  وحلو..
حلو.. جدا. ..طبعا
فيه.. حد من العرب.. اخدها السنة دى
لا السنى. دى.. ولا اللى.. قبلها..
يا راجل.. دور.. بس
دورت.. لسة..محدش.. خدها..
طيب.. دور تانى كده.. يمكن تلاقى واحد مدارى.فى حتة .
ولا فيه غلطة فى اسمه..ولا حاجة..
دورت.وحياتك.. وفليت الجرنال..بالكلمة. والسطر...
ما لقيت.. ولا واحد من الدول العربية.. اخدها.
ولا حتى كان. مترشح. لاخدها ..
خالص..
تقريبا..
ياراجل فيه ناس.. اخدوها. فى السلام
.ايوة صح..  فى السلام..بس...من زمان..
..وكل..اللى. اخدوها.. كانوا زعماء..
وانت عارف..جوائز نوبل للسلام.. بتعطى للزعماء..ليه..
ايوه  ايوه..انا فاهم....يعنى بيدوها.. للمرضى عنهم..
عليك..نور...المرضى عنهم..
سيبك من دول..
انا .باسأل.. عن الجوائز التانية.. زى بتاعة احمد زويل..
ما فيش حد تانى..اخدها.. من ايامه..
ولا واحد..
يا ساتر يارب..
ليه كده..
ما فيش شغل.صح.. يستحق الجايزة..
واحمد زويل.. عربى..
ايوة يا راجل..مولود فى مصر.. بس قاعد فى امريكا ومتجنس بجنسيتها..
انا قصدى. الشغل اللى اخد بيه الجايزة..كان فى مصر. ولا كان  فى امريكا..
كان فى.. امريكا..
يبقى احنا.. بنتمحك..فيه..
هوه احنا..لقينا غيره..من خمستاشر سنة..وقلنا.. لا..
ما هو.. من مافيش..
طيب وبعدين.. امتى ناخد.. جوائز نوبل.. كده زى الدول الغربية..
.لما يفتحوا..فرع لجائزة نوبل..عن اعمال.الحماقة.. والغباء..
اقدر اضمن..لك وبشكل ممؤكد..اننا..سنحصل عليها..وربما..كل سنة...
انت عارف..ومتأكد انه فيه.حد يستحق..ياخد جائزة نوبل..فى الفرع..اللى انت قلته.عليه.ده..
قصدك.. فى فرع.. الحماقة. والغباء..
ايوة..
ياه...متعدش....طوابير..كتير..ملهاش.. اخر..
كتير ..قوى.. كده..
يا سلام ..دا  احنا عندنا..تاريخ. واساتذة..فى الحاجات.. دى..
زى مين ..كده..
يا سلام..هوه انت جيت.. فى جمل..
خد. عندك .. وعد..يا عم.. الحكومات..واللى  اشتغلوا فى الحكومات والهيئات والجامعات ..
مالهم.. دول..
عباقرة.. وبيخرجوا.. عباقرة.. كل سنة..ويمكن كل شهر..
عباقرة..فى ايه بقى..
عباقرة ..مالهمش زى..
عملوا... ايه..يعنى....
اخترعوا..غباءات..جديدة...وحماقات..جديدة...
عملت ايه.. الاختراعات..الجديدة..دية..
قضت بسرعة.. على المشاكل الاقتصادية. والاجتماعية...
زى ايه..
زى  مشكلة الفقر..
 خلت الفقير..ينسى تماما.. انه فقير..
ازاى بقى..
جعلته يخترع رياضة ..يلعبها.من هنا.. تنسيه..الفقر..واهله..
 ورياضة..بسيطة..وغير مكلفة..على الاطلاق..ومناسبة لظروفه المادية..
 تبقى حاجة كويسة من الحكومة...واجب نشكرها عليها..
لا شكر.. على. واجب..
وايه. هيه.. الرياضة.. دى..
ببساطة..وايجاز..الفقير من دول.. اللى يدور على المية والعيش..وما يلقيش..
لا يعتصم ولا يتظاهر.. ولا يتعب نفسه.. مع المسؤلين..
 انما  بس يقعد.. يلطم. على دماغه.. ودماغ اللى خلفوه....
لانهم.. ولدوه..وجبوه..للحكومات..الجبلات.. تعذب فيه..
وبعد ما يلعب رياضة على دماغه ودماغ اللى خلفوه زى ما انت بتقول  بيعمل ايه
بيعمل.. خفيف..
يعنى.. ايه.
يعنى. بيلسع.. لمؤاخذة ..دماغه وتفك صواميله..ويطير..مع الاحلام..
 ..وما عدش يسال.. لا فى ميه.. ولا عيش..ولا فى..سكن..
 ويبات فى الشارع ..ويبقى ميت فل.. واربعتاشر..
طيب والمشاكل.. الاجتماعية..
قصدك.. يعنى. الجواز..
الشباب جاب من الاخر.. قبل ما يلسع ..هوه التانى...فك نفسه فى الشارع..
ازاى.. يعنى..
يعنى بقى لمؤاخذة.. يتحرش بالحريم.. فى الشراع....
طيب.. ليه كده..
الشقة.. سعرها. مليون جنيه.. واكثر...
عاوز الحكومة..الموقرة.. تدى المواطن الغلبان. شقة بمليون جنيه..ليه هيه اتهبلت فى دماغها..
عن ابوه. ما سكن.. ولا شم..ريحتها...
خليهم فى الشوارع. والمقابر ..احياء وميتين..
امال الشقق  محدودة.. الدخل.. بتروح فين..
انت.. سمعت.. عنها..
ايوه..
وانا. كمان.. سمعت.. عنها..
طيب.. راحت. فين..
تقريبا..والله اعلم.. بيصدروها للخارج..
يا راجل..
امال..احنا حالنا..بقى...بيتدحدر.. لورا.. ليه..
يبقى ..كده همه.. عاوزين موسوعة. جينز.. مش..بس. جوايز نوبل..
ياريت.. موسوعة جينز..تكفيهم...
ايوه.. نرجع.. لمرجعنا..احسن..
 وحكومة السويد ما خصصتش جايزة لفرع..الغباوة والحماقة ولو من باب المساعدة.ليه.
عاشان المأسوف على شبابه.. الفريد نوبل..
ما وصاش .فى الوصية بتاعته..على منح جايزة.. فى الفرع ده
 هو وصى بمنحها.. فى الفروع العلمية.. اللى فيها منافسة..علمية..
والفرع.. ده ما فيهش.. منافسة خالص..
يا سلام..
مين ح ينافسنا في الغباء  واحنا عندنا منه بالكوم.. فطرى..ومخترع..ومتفبرك..
والحماقة..كمان..عندنا.. من  كل لون.. يا حماقة..
حاجة تشرف..
قوى..
علشان كده رفضوا يعملوا.. جايزة فى الشيئ اللى احنا ممتازين فيه ومتقدمين كمان..فيه..
طبعا..اكيد...لانهم عارفين.. ان. احنا.. ح نحتكرها...
 ويمكن..كمان. نورثها.. جيل عن جيل..
يبقوا.. مستقصدنا.. بقى..
مستقصدنا.. بس..ومتهضنا.. كمان..
كلماتى وبقلمى
محمد جادالله محمد الفحل