الشاعر محمد سوعان الربيع

وين انت ياللي فيك شيمه وغيره
افطـن لناسً في محيطك يعـانـون
الناس قــدامـك وخـلفـك مـسيـره
لاتحبـط اللي في حـياتك يهتفـون
لاتفســد احـلام الوجيـه السـفيره
لاتـخيّب اللـي فيـك خيــرً يظنــون
مـدحـك تمـادوا فيـه في كل ديـره
حـب وولا مـا جـابهـا شك واظنـون
حـيث التـجــارب بالليـالي كــثيــره
وليّـا انـدعوا بـارواحهـم ما يشحون
بــارواحهــم واولادهــم والعشــيره
فهــودً جسوره حـزة الضيـق ياتـون
هـذي حـقيقـه والحقـايــق مـريــره
والعلـم واضـــح والمخـاليـق يـدرون

بقلمي ......