ورقة  كوتشينة

اخذ يتفحص..فى وجوه. الشلة..
بنظراته الحادة..ووجهه المتجهم..الجامد  الصلب..
وهو يبرم.. فى اطراف شنبه..
تنطلق.. من بين شفاتيرة..زفير حار..
تنم.. على مدى  غضبه العنيف..
حتى استشعروا.. بخطورة الامر..فانتفضوا واقفين..
وسألوه..مستفسرين...
وبالحاح..
فيه ايه.. يا معلم..
فيه حاجة ضاعت. منك.. ولا ايه..
عمال تقلب  وتفتش  فينا.. بعنيك زى ما نكون سارقين سريقة 
مين  زعلك.. يا معلم..
ولو فيه حاجة ضايعة.منك..انت حتشك فينا.. يا معلم
هوه احنا وش ذلك...
يلا يا رجالة نروح..
وبلاش السهر الليلة..طالما المعلم.. باله مش رايق
وشكله زعلان..
نروح  فين ..انت التانى..
.هوه احنا.. لنا بياتة.. الا هنا..جنب الجبل..
اياك عاوزنا نروح البلد..ونطلع الشغل..فى الجبل ميتة وكيف..
والمعلم.لسة  ما خلص الشغل  بتاعه..ولسة عاوزنا..نشتغل معاه.
مش كده.. ولا ايه يا معلم...
 المعلم..باين عليه..زعلان قوى..
لازم نعرف  هوه زعلان من..ايه..
لا يكون حد فينا.. مزعله  تبقى نصيبة
مين فيكم ..شاف اللى.. اسمها.. ايه. دى.. 
ورحمة امى..ما شفتها.. ولا دقتها..وفتشنى  تانى اذا حبيت..
اهى جيوبى.. كلها فاضية..ما فيهاش.. ولا ريحتها..
مالك.. يا خميس.. مستعجل بالحلفان ليه..
مش  تستنى.. يا خميس ..شوية..
لما نعرف ايه هيه.دى.. اللى بيسأل عنها..
انت عمال تحلف..قبل ما تعرف ايه هيه..
 انا جه فى بالى.. انه بيسأل عن..
تعميرة هبو.. حلوة ..تعمر المزاج...
ولا سنة من اياها.. تخليه طول الليل صاحى..
لا دى..ولا دى..
 طيب. تبقى ايه ..هيه.. امال..
تكنش حاجة.. بتتاكل..
اتاكلت.. وخلصت.. من الاكل...
تبقى.. ورق..كوتشينة...
حاجة..زى..كدة...
ورقة..كوتشينة..اتلعب. بيها.
لما. اتقطعت..من اللعب
فزورة. دى يا معلم...ولا ايه...
 ابدا ..ولا حاجة..
ايه هيه..دى
حلة..وكل.. شوية..
ينطبخ.. فيها..طبيخ.. . ..
طبيخ.. حامض..
طبعا..حامض ....
منتظر من الخوجات ايه..يدوك
 حاجة.. حلوة..اياك.
اطلاقا...
لا حلوة.. ولا وحشة..
ايوة..
البعد. عنهم. غنيمة..
ايوة روق كده..علشان نسهر..شوية..
ما تكنش. من النسوان..
ايوة. من. النسوان..
وانت مالك.. ومال النسوان
ما انت طلقتهم. من زمان..
وريحت..بالك..
حنيت.. تانى.. لهم ليه..
حلوة. يا معلم..
حلوة.. زى.. الزفت.
 تنفع  نليط.. بها..الحمام..
فين هيه.. واحنا نجبها لك..من شعرها..
دى.. لو كان.. لها. شعر..
تلاقيها  قرعة ..بصلة..
بصلة..
بصلة.. مصننة ..بعيد عنك..
وايه. اللى.. عرفك بيها..
لا. ابدا..
انا لا اعرفها.. ولا اعرف.. ابوها..
انا.. بس.. اعرف. بلدها..
بلدها.. ايه..
 اليمن..
بلد طيب..وناس طيبين..
اليمن.. اللى عند.. السودان..
 ايوة  بس.. بينهم..  البحر ..
ناس ..طيبين .اسمع عنهم.. كده..
وايه اللى  وداك اليمن..
 قضيت جيشى.. هناك..
لما كنت.. فى الصاعقة..
ايوة..
.لما الرئيس.. عبدالله السلال..
طلب ..مساعدة من الرئيس..جمال عبد الناصر
وقال..  الحقنى.. يا جمال..
قام بعت له.. رجالة.. الصاعقة..
وقعدت.. هناك. كتير.
خمس سنوات...حرب بين الجبال..
وخلصت.المأمورية
ايوة.. بس استشهد منا.. رجالة كتير
كتير. خالص..
يجى.. كد .ايه..
 اكتر من عشرين الف.. شهيد.
 من الجيش..المصرى..
ايوه
استشهدوا..فى اليمن..
استشهدوا.. فى اليمن..
كانت حرب..كبيرة..
كانت حرب.. عصابات..
 بتمولها.. امريكا ..
امريكا.. بردو...
طبعا هيه اللى..ورا كل مصيبة..
ما بتسبش..بلد فى حاله..
ولا تسيب ناسه..هادية.ابدا..
لازم..تقوم ده ..على ده..
وتعمل مشاكل ..بينهم..
وتشكل  عصابات..
من كل. جنس. ولون..
للحروب..
للحروب ولكل حاجة
 وفى الاقتصاد
وفى السلاح.. وفى المخدرات
وفى كله..
يعنى فى الكيف ده.. اللى احنا بنحرقه..
امال..كله بأس منها..بس. من بعيد.. لبعيد..
لها صبيانها.. اللى يتشغالهم..
كده.. وكده..
يعنى. فى الصح.. والغلط..اكتر طبعا..
يعنى هيه.. المعلم الكبير..
قصدك.. البلطجى.. الكبير..
وايه دخل البلطجى ..بالست اياها
اسمها.. ايه..
هيه اولا..ما تستحقش يبقى..لها.. اسم..
ثانيا..هيه..اشتغلت..كويس قوى.. معاها..
يعنى البلطجى الكبير..هوه  اللى مشغلها..
مشغلها. فى الكيف  برضو..
لا..مش.. فى الكيف..
 كل حاجة.. ولها.. ناسها..
مشغلها..تعمل.. مشاكل وتفتعل..ازمات
وتقول ايه..علشان تثير.. الناس..
وماتقولش ايه..فى الاعلام..علشان تغطى على ايه..
ايوة. يعنى.بتنفذ التعليمات..
وانت. اتعرفت.. عليها.. فى اليمن..
لا.طبعا..
انا  كنت.. فى اليمن..
..قبل.. ما تتولد ..
يعنى..لسة..عيلة..
لا مش.. عيلة..
هيه فاهمة  وعارفه كويس هيه بتعمل ايه..
والا.. ما كنتش.. اخذت.. جايزة عالمية
كمان.. اخذت.. جايزة  عالمية..
يعنى. الست دى..معروفة للعالم..
حاجة زى..كده..
وايه.. اللى عرفك.بيها..بنت القرندلى دى..
ببص.. على الفيس بوك. 
لقيتها..بتشتم فى.. مصر..
وبتشتم..فى جيش ..مصر..
زعلت  وانفعلت. والجهاز كان.. حينكسر
وانت ايه اللى خلاك..بس تبص على الفيس...
ما قلنا خليك.. فى المزاج العالى...
نكركر..لنا.. كم..حجر....
ننسى اللى غاب..و ننسى اللى حضر..
والدنيا ماشية معانا ..مية فل ومعدن..
يعنى.. ما حدش فيكم. يعرفها..
واحنا حنعرفها.. كيف..
من الصبح فى الشغل..فى الجبل.. بنكسر فى الحجر..
وبالليل زى ما انت شايف..بنشرب كم حجر وعليها للصبح
ونعرف..الاشكال دية.. من اساسه ليه..
حنجيب..لنفسنا.. وجع الدماغ ليه..
اديك اهوه ..طول الليل..عمال تنفخ..من الزعل ..
لا نافع معاك..حجر  ولا اتنين..
نزود لك تحت النار  الامضا ونخليها. اتنين ..
وبنخليك تولعها انت..
وبردو  اهو.. ما فيش فايدة
 عمال.. تنفخ.. لما مليت المخزن.. بنفخك..
والخوف.. الا يطق. لك. عرق..من الزعل..
مش هيه دى البنت.. اللى اخذت جائزة نوبل.. للازلام..
قصدك.. للسلام....
زى ما بتقول ..كده..
ودى اخدتها ليه..
علشان خلت النساوين..تسيب بيوتها وتبيت فى الشوارع..
مظاهرات اياك..
مظاهرات واعتصامات..للحريم..
هيئ هيئ ..عشنا وشفنا..الحريم..
 وبيبيتن .فى الشوارع..والميادين..
علشان..اللى عايزة تاخد..جائزة نوبل. ...
تروح  تبات.. فى الشارع.. كم اسبوع..ولا كم شهر...
يرشحهوها  على طول  وتخدها..
ودى غلطت.. فى مصر ازاى..
عاوزة تعلمنا..بسلامتها. الحرية والديموقراطية..
البنت... دى..
تصور..
لا.. ما.. اقدرش اتصور.. ابدا ..
وايه.. كمان..
طلبت من الغرب.. ان يتدخل فى مصر..
الخواجات..
ايوة.
علشان ايه...
علشان.. قال..يعيدوا. عقارب الساعة..للوراء
ويعنى الغرب.. سمع كلامها..
ابدا..
وحتى.. لو سمع.. كلامها..
مش حيقدروا  يعيدوا..عقارب الساعة..
للوراء..ابدا.. ولو. لساعة واحدة..
انت شايف كده..
طبعا..
دى مجرد ورقة.. استعملها. ومسح.. بيها..
ورماها..واتخلص منها..بالجايزة.. 
وبقيت لمؤاخذة.. ورقة كوتشينة..اتقطعت من اللعب..
حيستعملها.. تانى ليه...
هيه عاوزة..يستعملها تانى..
شكلها.. كده..
انما هو خلاص...قرف منها...
ما انت عارف..النسوان..دى ..
هوه انت ..تايه.. يعنى..
النسوان الى بالشكل..ده..
بتبقى متعبه....ربنا ما يوريك..
عقلها..ضارب..
ليلة .تهبل..وليلة..تنكد..
امال احنا ..بنشرب.. الكيف ليه..
حبا.. فى.. الكيف..
ابدا..وحياة.. اللى خلقه ..
انما..علشان..نتحمل الهبل..
وننسى ..النكد..
علشان.. خاطر.. العيال..
بوظت.. علينا الليلة ..بنت الايه..
 الله.. ينكد عليها.. وعلى بلدها..
لا عاشت.. ولا كانت...
انساها.. ولا تفكر.. فيها..
اسبوع واحد..  وتكون عندك..
عندى.. بتعمل ايه...
ماشة..مجرد ماشة..
ترص.. بها.. حجر.المزاج..
هيه.. ما تستهلش...غير كده..
لحد.. ما تتعلم.. تانى..
ازاى..تتكلم  بذوق..وبادب.
.عن..مصر..وجيش مصر..
وانت.. عارف بردو..
انى ارضى..اقف لمحاربة  الحريم..
حتى.. ولو زعلتنى الحريم..
 بعد العمر..ده..كله.. اللى قضيته فى الجبل..
فى الحرب..وفى الشغل..
وفى الاخر..انتقم من وحدة ست...
مش.. ممكن طبعا..
طول عمرك ..كبير  يا معلم..
انسى.. وتصبح.. على  خير..
علشان عندنا.. شغل..الصبح..
وانتم..من اهل الخير..
كلماتى وبقلمى
محمد جادالله محمد الفحل