|
|
|
|
|
|||||||
| هيئة إدارة تحرير مجلة عاشقة الصحراء التي تعنى بقضايا المرأة العربية والأدب والفن | |||||||
|
أشوفن بيكْ هاي الوادم شْلوَنْ ................... بقلم الشاعرة وفاء عبدالرازق
واغَمْضْ عيوني عنهم حتى اشوفنَّكْ
الناسْ والشارعْ انطيهم اعيون
وانا بريتيني اشوفك من يحضننَّكْ
ماتحتاجْ ادهون واعطور اليمرًّون
ولا تحتاج ذكرى وحتى اذكرنََكْ
مساماتك بجلدي وحيل محفورات
انت تنفَّس بهَيدة وهِنْ يشمنَّكْ
ولا تحتاج ميزان اتعرف بيه
تدري شگد أحبَّك واشگد اودنَّكْ
اليودْ لزمن يخونه الگد والگدَّاتْ
ويا مكيال احطَّه وبيه اوزننَّك
حطيت الخلَگْ كلها بطرف ميزان
وصار سنين يومية من الصبح لليل
كفَّة اطّيحْ باوَّلْ صوت ويه الچَيلْ
كفََة تميل ماتنهض تِشيلْ الحيلْ
كفَّة اتّيه مخنوگة بحلاتكْ هيلْ
شردن كلهن امن ايدي وخذاهن مَيَلْ
باول صُبُحْ بأوّلْ ليلْ
گضنْ لايَّام كلها وماگدرتْ اعوضنَّكْْ
يَمَن مَيلوگلي ويَه الشَيَبْ
غيرْ امرافَگي وملگاكْ
غير محاضَني لظنَّك.
يمرّْ اليوم واليومَين يومَن
ولا إيدين عند الباب يومَن
تعالوا بچذب يمعودين يومَن
رضيت بمنيَّة اليدخل عليَّه
عجب يقرا برسايلنا ولا مر
ولا يسأل حلو يومي ولا مر
سؤال الرجا يحبيّبْ ولا مر
عَليشْ تخيَّب الظنّات ليَّه
چنت ناوي ارد اگلَّك آخ بيداي
او شلت الهاتف اوردَّيت بيداي
شمرة عصا وچني بعيد بيداي
جريب وشحَّتٌ اطيوفك عليَّه.
الكاتب:
سكرتيرة التحرير مريم حمدان بتاريخ: الجمعة 14-04-2023 01:05 صباحا الزوار: 548
التعليقات: 0
|
