|
|
|
|
|
||||
| هيئة إدارة تحرير مجلة عاشقة الصحراء التي تعنى بقضايا المرأة العربية والأدب والفن | ||||
|
إيد خرسة ...................... كلمات الشاعرة وفاء عبدالرزاق
وبيها كمشة عشگ غافي
بالظما گضّتْ عُمرها
ولو سگاها ومَنْ عَليها،،
بمايخابط مُوش صافي.
إيد خرسة،،
ومثل چانون المضايف
بس سواد الدلّة يدري
مرّة يخفَتْ
مرّة ياكل من سعيرة
ومرّة دافي.
إيد خرسة،،
والقهر شَمْعْ بْحچيها
مگمّطة صابيع ايديها
لاهِي ضاگت
لاهِي هِديَت
دوم تنطي
عُمُرْ،،للوادم عوافي
وعمره بَدْ ماصاح كافي.
ياحسافة
او وسفة الملچوم منّه
وياكل بلحمه التِجافي.
إيدي خرسة،،
تريد تصرخ,
وقسمة اللة
شوك للمجروح منّه
شوك چايد بالتِشافي.
إيدي خرسة،،
مِن تسلّم؛
تنطوي مِنها وعليها
واللّي بيها يْلوب بيها
تدري دمع الليل أغبر
وتدري صَلفات الچفافي
ماتنَشّف ليلو أحمر
حار ،، للخدَّين لافي.
إي يَئيدي،،
شِدّي حَيلچ بيد حَيلچ
هلهلي او رگصي او إبچي
يلّي ضيمچ چَف جگارة
وبيچ طافي
اولو عثرتي،، لا اتّاني
چلمة "اسم الله " كريمة
وتِرِدْ فضلچ
يوم جبّرتي الخواطر بالتِصافي.
الكاتب:
سكرتيرة التحرير مريم حمدان بتاريخ: الثلاثاء 20-09-2022 08:18 مساء الزوار: 550
التعليقات: 0
|
