|
|
|
|
|
|||||||
| هيئة إدارة تحرير مجلة عاشقة الصحراء التي تعنى بقضايا المرأة العربية والأدب والفن | |||||||
|
(موَگدْ أمّي) ................ بقلم الشاعرة والاديبة وفاء عبدالرزاق
مُو جَمرْ
لبّْ الخلالات وجَّرْ
لا غفه ولاچان طافي
يشبه الشتلات كلها
مَسّدَتْ گذلة التِكّي
وهددتَّه بحضن دافي
هايه يلدنَّگ الصوباط إلها
خذه من دگّْ الشذر ليَرة
واخذ من ريحة الشَيلة
صَم عوافي
ومن صاح النهر بردان يمها
مرَّرتْ چَفها عْلى شطنه
ونهض دافي
موَگدْ امّي،
ابدْ ماضاگْ خلگه
وعادة المضياف يهدي
هِدمِته الغطَّت چْتافه
وعينها يهلهل الماعون بيها
يثرّدْ بنظْراتْ مَرْحبْ
وگلُلبْ وِسعَه وِسِع دِيرة
لا نِهى ولا صاح كافي
وهاوَن امّي ،
صار فنجان العشيرة
وطوَّعْ گلُوبْ التِجافي.
الكاتب:
سكرتيرة التحرير مريم حمدان بتاريخ: السبت 20-11-2021 07:39 مساء الزوار: 470
التعليقات: 0
|
