|
|
|
|
|
||||
| هيئة إدارة تحرير مجلة عاشقة الصحراء التي تعنى بقضايا المرأة العربية والأدب والفن | ||||
|
بقلم الشاعرة والاديبة العراقية د. وفاء عبدالرزاق قصيدة بعنوان ......... يكولون
يگولون اليروح بساع ينسونه
لعد ليش الشوگ يلچمني
وتِمطّگْ عضّة اسنونه؟
وليشْ اتمرعَد اويه الطيف
لمّا تبوسني عيونه؟
وانخضّْ خضّة المصروع
انكث حَرْ والبرِدْ بِعضاي
واتبدّه مثل چَفْ ماي
ناطر مِنْ يلمّونه
ميزان وخنگني الچيَلْ
والگبّان بيدْ اعمى ايْتِرجّونه
صمّْ ارماد صمّْ اگزازْ بالميزان
والمطعون بيه شلون ايِوِزْنونه؟
وادري الزَوَد بي چَم زَوَدْ
بسْ امكاوَنْ ويه الحَيَلْ
خاف تْلوچني ظنونه
يگولون البچه بطران
هَمْ يرتاح ،لمّن دم ينزفونه
ذرّ الرّملْ بالموگين
متحجّر مثل صچمات
تتمرگص عَلى جفونه.
الكاتب:
سكرتيرة التحرير مريم حمدان بتاريخ: الجمعة 12-11-2021 12:40 صباحا الزوار: 489
التعليقات: 0
|
