البعض مجرى دمهم والنذاله
مراءة وجه وبالقفا حد سكين

مهما تـقـدم طيب وتمد جاله
تلقا الحقيقه فيه شين وقوي عين

قـدر الاوادم عـندهم والحثاله
واقـدارهم لله مـامن شبيهين

كـن الاصاله والـعـروبـه لحاله
حكرٍ ولابالكون من خلق باقين

لاحق تأخذ به وتـلقى عداله
من باطلٍ يجري بدم الرديين

زينٍ اليا منك سلمت الشكاله
وسلمت من غدرٍ بالايام راكين

كل القيم والسلم فيهم محاله
لو أنت بالاصلاح تبذل ملايين

عيبٍ على من ذي فعوله تطاله
عند الذي نطقه وعقله رجيحين

اعوذبك يارب من ذا مجاله
واجيّر بك نفسي وناسٍ عزيزين

من سوء فعلٍ قبّح الله مقاله
واشتد وزّنه خفةٍ بالموازين

كلمات :
غزيلسعد"لملتاعة"ا
_______
قصيده قـوي عين
كلمات الشاعرة غزيل سعد "الملتاعه"
http://bth-ksa.com/art/s/1534