أمسٍ حبيب القلب قدام عيني
يضحك يسولف لي عن الزين والشين

واليوم وين اللي تركني حزيني
مالي بعد فرقاه ناسٍ عزيزين

الدمع ناره من عيوني غشيني
سيله كما وشمٍ تعلق بخدين

أبكي وهمي فالحشا له ونيني
والصوت مني في دجا الليل مشقين

سطام ياسر الفؤاد وحنيني
وين أنت يامن شيّب افراقك العين

ليت القدر ما غيّبك عن سنيني
أوليت أخذني عنك وابقاك لاحين

وش لي بعمرٍعقب مارحت شيني
ماله زهو يُمّه ولا له ملدين

تعبت واتعبني الصبر ياضنيني
ولاني على ايامٍ بقت لي حريصين

ذكراك وسط العين همي الدفيني
اتابعك زولن وامني بك العين

وانا ادري أنك مستحيلٍ تجيني
مهما تحريتك من اسنين لسنين

لكن حزني خارجٍ عن يديني
لانك وحيدي اللي بقى من قريبين

ياقبر ياللي بك حشايه سجيني
ارفق بمن جالك من الناس غالين نبض