الا ليته تريث واحتراني
......قبل ماينقل الخطوه بديته

انا من وين ما وجه. لقاني
......سبقني بالقدوم والا احتريته

ولابتعب. وادور عن مكاني
......بوجه المطلق الوافي لقيته

ومن. شيد كبيرات المباني
......علومه ماهي ياعله وليته

مباني عز ..وافعال.. وتفاني
.......وذكر" خالد" فالناس صيته

رجال الطيب لوشح الزماني
.......عطاهم ...وافي"..لوما عنيته

وقول الحق فصله بالبياني
.......سديد الحجه بالحجه دعيته

لساني بالمواقف هو حصاني
.......هزيل الهرج دربه ما مشيته

ولوهي بالشعر جات الاماني
......خذيت المنصب اللي مارقيته