يالله يامنشي السماوات يافرد
نشكر ونحفظ نعمتك ونحمدها
ترحم شيوخ وحدوها على الود
لين أصبح الشعب بمغاني رغدها
في واحد وسبعين والكل يشهد
والكل يسعى يرفع بلدها
تجمعت لاراء عالراي لأوحد
رأي الزعيم اللي على اليود مدها
وتباشرت سبع الإمارات وأسعد
كل العرب لي للعروبة سندها
زايد واذا ماقيل زايد تورد
معنى القصيد وفاح طيبه وبدها
من بعد زايد شبل زايد تسيد
واوفى بعهده للشعب واعتمدها
سيرة حكيم العرب زايد ومهد
للمجد طرق وللمعالي صعدها
اعني خليفه لي خلف زايد المجد
القائد الأعلى يعلي عمدها
وال محمد يمينه ثم يساره محمد
فاله العز والمعزة شهدها
وشيوخنا في وقتنا ذخر وسد
يالله تحفظهم وتحفظ عهدها
وتعزها بأمجادها وأنت المجد
وتعز دولتنا وكل اللي وفدها
هذي أمارات المحبه على العهد
أرض الجميع ونعمة اللي حمدها
ولها قسمنا قسم نوفي الوعد
النفوس الثمينة ترخص ل بلدها..