سلام يا حرا ً على راس مشراف
من ماكر ٍ بالطيب علمه يشافي

مجذاب عز ومجد من دور الأسلاف
الوايلي طيبه على الناس ضافي

الشيخ ابوفيصل على الطيب مزهاف
عدّ ٍ رهاوي ما عليه اختلافي

مناور زبون المرجله نسل الاشراف
الخمعلي طلق اليمين السنافي

نسل الشيوخ مدلهت كل من خاف
لكم بياض الوجه و القلب صافي

تاريخهم بالمجد يقرا و ينشاف
المخلصين اهل القلوب النظافي

للهجن ركاب ٍ و للخيل عساف
خصيمهم منهم يدور العوافي

وياشيخ ميقافك ما هو بأي ميقاف
لك وقفة ٍ طولى و عادتك تافي

مشكور يا شيخ مجرّب و عرّاف
يانسل مروين السيوف الرهافي

طيبك تميز جاوز حدود الأعراف
في مدحكم شابت جزال القوافي

واسلم ودم الخير بنهاية القاف
تمت بيوت الشمري وانت وافي

كلمات
ممدوح سماح العفري ( شاعر و إعلامي سعودي )
نائب رئيس تحرير وكالة أنباء عرار