سليت سيف العشق دوني ودونك
وخليت باب الهجر قصة وتذكار

سلمت لك قلبي بنظرة عيونك
وكونت لك في داخلي واحة ازهار

لي صورة ٍ اسكنتها في جفونك
ويومٍ سألتك قلت لاتسأل آغار

ماتدري ان جنوني تملك جنونك
وبعضها كم له سنه داخل أشهار

رسمت لك صورة في عيني لنونك
ماهزها في ناظري برق واعصار

طبع البحر يشبه لنظرة عيونك
لكنَّ هو غدار واما انت أسرار

تدري حبيبي ليش هم يحسدونك
لنك ملاك بهيئة انسان مختار

اختارك الله في حلاك وفتونك
يوم الله احسن صورتك زادك إكبار

خدك شعاع الشمس من حسن لونك
وضحكتك منها القمر اصبح يغار

ويلاه ملهوف الحشى كم يبونك
وانا دوينك ضدهم سيف بتار

انا الوفي لك بالعهد ما أخونك
مادامت الدنيا بها ورد وانهار