سلام ياشاعر جنوبي من ابها
بذيك الديار اللي بها الطيب ساير

من عزوة بالطيب يقدح لهبها
تشبه لوبلاً به.. صدوق... الغزاير

عزوة عسير اللي عظيماً نسبها
يوم اللقا ..ما حسبوا ..للخساير

هذا بن ثوعي لا نواها كسبها
عز الخوي ..لاصار.. بالوقت جاير

اسمع بقافي والنوايا قضبها
حتى يعيش الصمت تحت الستاير

واطلقت مجهودي بخيمة نصبها
فوق العرى ..والناس .بين العماير

وشبيت ناري بالخيال وحطبها
سر ..الضماير.. لا تبيح .الضماير

من خوف لا يغلب عليها غضبها
وإلا تشوف ..من. الصغاير..كباير

اضفيت من ردن العباه لقصبها
عن عين جمره ..يوم هلت عباير

بنت الزمان اللي ولدها اغتصبها
فوق الثرى والدمع ..بالعين .غاير

منهك جسدها لين ولع سببها
حاطت بها الأحزان.. والغيض ثاير

وأشوف رمش العين واصل حجبها
لكن نظرها .ما يجيب... البشاير

والحق له كلمه على من كتبها
يامحمد الثوعي ..وسيع البصاير

فالح رشيد السميري البلوي

(الصدى)

صاغ المعاني والقوافي سكبها
شاعر شمالي عنده ..الفكر .ناير

فالح مخيلي كل خطوه حسبها
يمشي على سلم العرب والعشاير

نال المعالي والمراجل.. طلبها
صعب المشاكل في عيونه صغاير

من لابة ٍ تحمي المواقف عربها
يوم المعارك.. تشتعل بالسعاير

بلي قبيله من وقع في نشبها
يرجع ذليل النفس مهزوم.باير

ترى العلوم الطيبه من جلبها
قدره كبير ٍ عندنا بالسراير

شعرك قريته والمشاعر جذبها
نهج ٍ جديدٍ في قصيدك مغاير

الحل صعب ٍوالسهل في صعبها
فتحت باب المقفله والعساير

واشعلت قاف ٍ من خيالي شببها
ودوّنت حلي في بيوت ٍ حراير

هذه ..قلوب ٍ ثايره.. من.. تعبها
ذاقت حياة الذل والدم فاير

والأم تصرخ ..حزنها..كم غلبها
دارت عليها المهلكه والدواير

واستحضرت كل المنابر.خطبها
واستعذبت نفس الحزين المراير

دمعات عيني غارقه في هدبها
عامين مرت ضايق الصدر حاير

محمد الثوعي