وأصداء قافي هزت اركانهم هز
غلبتهم ياخـوك بمده وجيزة

خيوط الحرير تحوكها دودة القز
خيوط الشعر ماقيموها بـ بيزة

والكلمة اللي بسبته خافقي فز
قد قالها شخص(ن)تميز بميزة

بقلم الشمرية المجهولة

للشامخة جاري ولي فخر واعتز
في بحرها بطلب اقامه وفيزه

هذا الخبر مني بدئته بموجز
في راديو خربان تسمع
وزيزه

والشرع ما حلل لنا البط والوز
والخبز بالدافور نعرف خبيزه

والشاهي اللي بالحليب المركز
من يشربه يسهر وتسمع حفيزه

!!!محمد اليامي!!!

يهتز عرش وعرشي ما ظن يهتز
وانتي عزيزه وفيج للطيب ميزه

انا ملكت القاف و الكاف في كنز
وعلى حصون الابجدي لي ركيزه

ياغير قلبي مع صدا صوتكم فز
وأنا معاي الشعر ذوق و غريزه

جز الغضا ان كان حاطب و بتجز
صدرتها أرجنت من دون فيزه
خالد الشامسي

من. يقتنع في واقعه يملك الكنز
ومن يحمل القرآن. بيده ركيزه

وسنة نبي الله. تبقى. لنا. رمز
وايماننا. بالله. لاشك. ميزه

وترا. الخباري مرتع لطاير. الوز
والروض تلفيله. نفوس ن عزيزه

والله. خلقنا. بالصفا. نكره. الرجز
ولا نتبع ابليس اللعين ووزيزه
المنشد طلال العمودي

ماني من إلي بسبكة الحرف يعجز

ربيت بكرا الفن حمرا خزيزه

ان طاحت الميدان ك شاربه الحرز
تطير للأول وماهي كزيزه

يا ما لطمنا الكاس والسيف و الرمز
و الدرب لي مقفول افكه و اجيزه

محلاه ثوب الخود ان يا مطرز
و ثوب الرجل يعل الشجاعه طريزه
خالد سلطان

يامرحبا ياللي ترز الدرر رز
سبك النوادر ياوخيه غريزه

كانك نهر الابداع او بيرٍ ينز
فدوك الرعد بالقاف عالي أزيزه

لي هاجسٍ يابنت مبطي تمركز
على عروش الجزل واصبح ركيزه

والشعر يشكي عالمٍ جزته جز
وملقفٍ كلٍ بهزله ...تجيزه
ابو شامي 

الي لها في ذروة المجد مركز
نفس لها من كل عليا خزيزة

وانا اعرف اطول الهرج واوجز
ولكل شخصية بعرفي ركيزة

والخيل تعرف كل من لزها لز
وشيخ العرب يعرف ويعرف لزيزه

والصقر يفرق في طياره عن الوز
والنار كلٍ يتقيها ببيزه

والشعر له ميزان والنقد ينجز
ماينكره بعض العقول ويجيزه
عبيد الرسلاني