لك علينا في غيابـك ..حفـظ ود.. الطيبيـن
القلـوب اللـي ..تحبـك.. مـا تـكـدر خـاطـرك

انت لاتشغل ضميـرك.. فـي غيابـك غايبيـن
لاتظـن إنـا.. نسينـا ..ضحكتك ..ومسـامـرك

التفاصيـل.. الجميلـه.. والمـوده.. والحنيـن
تبقى عندي واعتبرتك في غيابك حاضرك

والله انـي لا ذكرتـك انشـغـل قلب".وعـيـن
كـن مالـي بالمدينـه .. غير طلـة .نـاظـرك

شف على كبر المدينه معتزل فـي غرفتيـن
ذكرياتـك.. فـي زواياهـا.. وفيهـا ..عـاطـرك

ولا بدا نزف المشاعر سولفـت لـك دمعتيـن
يـا هـلا.. بدمـع.. المواجـع.. لا تعـذر.. باكـرك

عالمي اشياء غريبه غيـر .. كـل العاشقيـن
آآه لـو تـدري وش اللـي.. يستـبـد بشـاعـرك

تبتدي رجفه مثيره ..فـي. فـؤادي واليديـن
يوم اقـدم لـك ..تذاكـر.. رحلتـك .واغـادرك

بـس عنـدي فـي وداعـك يامسافـر كلمتـيـن
انا احبك في حضورك.. في غيابـك ناطـرك!

محمد الثوعي