مابين همي وحزنن قد سكن روحي
ازريت ياسامعي ياوين بتقسم

حفي القدم من كثر مااطردك مصلوحي
شوف الشقا في جبيني صاحبي وسم

الحب يامنيتي ياملهمة بوحي
غذاه بالوصل والهجران به كالسم

عودي علي يالغلا واعفيني من نوحي
انشهد اني فبعدك كني مجسم

روحي معك يالغضي ان كان لي توحي
والقلب منك الوفا يازين متوسم

شفني اجامل حبيبي واخفي جروحي
واتصنع الضحك يوم العيد واتبسم

ابوشامي
محمد الحربي