عرار:

أنا لني بديت القاف ملوك الشعر تنصاني
على خيلن لها ربكه تحضر كل ماريده
وتاتي بالوعد انوار على صوتي والحاني تهز الردف لي فرحه
تمايل وانثنى جيده
تقول اشفيك يا شاعر
بهرت الانس والجاني
وأنا دونك وأنا عونك ياتاج الشعر ياسيده
واذا دارت هواجيسك
كسرت قفول بيباني
واخذت العقد والجوهر وراح الحاسد بكيده
ونهضت وجيت للحفله ملبي دعوة اخواني
إلى الاردن وصلت اليوم على حسبة مواعيده
وأنا الشاعر وأنا المدعي وجيتك يالكرك عاني
وأنا من دار اخو نوره سعودي وشوفكم عيده
سلام الله سلام الله على القاصي مع الداني
عدد ماهلت الامزان ولجت في مراعيده
مادام أن الكرك تاريخ عليهامرت ازماني
تعلا بسورها واكتب على الابراج تغريده
نصرك الله صلاح الدين بسيف ورمح واسناني
عبرت لداخل القلعه كسبت المجد وتعيده
كشفت المدخل المخفي كأنك للحصن باني
وجيش الروم في سكره تلاطم في عواميده
وغرد ياحمام النصر
وعانق غيمة امزاني
مادام الليث حررها
عليا اليوم تمجيده
عجبني القول يافخري بلاد العرب اوطاني
يعني أن الكرك ومعان كانها عندي بريده