خلك ضماد القلب وخلك له علاج
ولا تهمل احساس المشاعر وقويه

أن جاك ضايق لا تسبب له ازعاج
يمكن ظروف الوقت زادن بلاويه

لا تكثر اسالتك ولا تسبب احراج
ضمه على صدرك ونسه وسليه

وان ليل الليل أشعل له سراج
خلك ونيس الليل والجرح داويه

اقهر ظروف الوقت واركب له امواج
ومن وين ما وجه حذاري تخليه

اللي يحطك فوق رأسه تقل تاج
حقن تحطه في عيونك وتغليه

ولا تستمع للعاذل أن جاك هراج
اللي على فرقا الحبايب مساعيه

واللي زرعته راح تلقى له إنتاج
صدق مع الايام دينك توفيه