اداري لوعتي واخفي هموم النفس مفجوعه
عنيده. دنيتي. والحظ. وقف دون مشواري

محمد الثوعي
=========
هجرت القاف من همي وجاني بطاعة مسموعة
اثاري الهم يهجرني اذا بيحت بأشعاري

انا ماني وحيدة قاف معي بالجزل مجموعة
فطاحلها تجاريني وأبدي هاجس افكاري

الشاعرة /الشمريه المجهولة
===========
سرى ليلي ونا انطر خيالك يمدلي كوعه
عرفت اني بلا موعد مشيته وانتظر ثاري

بقالي جرح لميته ومات الفرح من روعه
الا ياقلب سامحني عزفتك حزن باوتاري

الشامخه
====
حظرني الوقت من شوفك ودرب الوصل مقطوعه
ولا ودي على فرقاك بس الحظر اجباري

ومابيني وبينك برزخاً واشبوك مزروعه
ترقب مؤجـز النشره اذا تسأل عن اخباري

حسين الحمري الوهبي
==========
حروف الجزل بهاجوسك على الاوتار مطبوعة
تطرب اذن سامعها و يستمتع بها القاري

احاسيس الغلا تنساب على اكواب مرفوعة
و ان بعت المشاعر في مزاد الود اناالشاري

شايف الحرارة
======

مع البيطار نكتبها ورا الشعار مسموعة
على جزل ٍ من الابيات هامت وسط مضماري

اذا نادت نغنيها صدى الاصوات متبوعة
كتبنا بجزل قيفانن فداك الصوت بيطاري

حسن الخمعلي

قريت بيوتك محمد فريد القاف من نوعه
وجيت اشارك اخواني وانا والله ما ماري
احبك القاف وابدع به لو ان النفس موجوعه
على فرقى وليفٍ خلف الاحزان في داري

صقر سلمى

=====

مسكنا الحظر يالغالي / تبعنا اسبوع باسبوعه
ولا باقي لنا قدرة على الميعاد والساري

طغى شوق المعنى والاماني ماتجي طوعه
وسوم الصبر بعيونه ويقضي الليل سماري

احمد المنتشري