محاوره فوريه رباعيه - موال ووسيم
لكل من الشعراء
مسـلم عـــــواد العميري
احمـد سحيمان الصخري
ايسر الطـــــــــــــــراونه
محمـد ظـــاهر الميهوبي
----------------------------------------------------------------
الشاعر/ مسلم عواد العميري
الموال
سلام ياربع المـــــحيط ونجومه.
من هو من الشعار يعطي علومه
كلن علــى ماقيل يعرف عزومه...
والليل ليل وســـاري الليل يحتاط.
الوسيم
سلام يااهـــــــــــل الوفا اهل النقا والوضوح...
مـــن هــــو يجيني على قافي ومني شكر..
قــــــدام ﻻيجيك هـــــجس اللعب واﻻ يروح...
فــي مستهل الحــــديث الشعر يبغى صور
محمد ظاهر الميهوبي
الموال
انا معــــــــــــك ياصاح هيا سرينا
يامـــــــــرحبا واهلين باللي يجينا
وحنـــــــــا علينا يا خوي ما علينا
والليل ساري وساري الليل يحتاط
الوسيم
انا معـــــــك يارفيــــق الدرب دربك سموح
واللـــــي يبينا يجي يغـــــــــوص عبة بحر
هيا نتسلـــــــى ونبني ياجــــماعه صروح
ودنا نتعلى بهــــــــا من فوق سطح القمر
احمد سحيمان الصخري
الموال
هلا وغـــلا يالشاعر اللي تقدم
انا اشهــــــد انه لاحظر ماتندم
وساعة وصل نعطيه رتبة مقدم
والليل ليل وساري الليل يحتاط
الوسيم
يامـــــــــرحبا والغـــــــلا ثابت ولاهو يروح
يقــــدح مــــن اقصاه لين ادناه ذوق وفكر
يشـــــوحــه الوجد مدري وين وده يشوح
ياساحـــــــــة الشعر مــاباقي عليها هكر
ايسر الطراونه
الموال
لا تستفـــــــز الهاجس اللي له اعوام
من ما براه الهـــــــــم تغشاه الاوهام
يا خوك شفني ســــــاهر الليل ما نام
والليل ليل وســــــــاري الليل يحتاط
..
فـي خــــــاطري سجة ٍ يا خوك ودها تنوح
مــن جـــورها يا ضنيني سم حالي ظهـــر
اشتالـــــــها من صميم الذات واثري اجوح
جوح المعنى على شي احتسبته عمــــر
مسلم عواد العميري
الموال
فـيك البقا ياابن سحيمــــــــــان حياك
لـي الشـــــرف ﻻﻻح مثــلك وشرواك
قـــرم"تفـــــــرق بين يســـرا ويمناك
والليل ليـــل وســـــاري الليل يحتاط
الوسيم
اللــــــيله المـــــــــــلعبه فيها معاني تلوح...
كــــــل المعـــاني على المحراف قطفة ثمر
الساحه اللي تــــعــــــاني من كثير الجروح..
وين السفينـــه قبــــــل ماينزحـــــون البحر..
احمد سحيمان الصخري
الموال
يبو عمـــــــــــــر ربي يمسيك بالــخير
اقولهـــــــــــــــا حشـمه وطيب وتقدير
لاكن عــــــليك تصف ضــــمن الطوابير
والليــــل ليل وســــــــاري الليل يحتاط
الوسيم
لو ان بعض المعاني في طرفها وضوح .
والجــــــــــو خيل علينا من صفاه وسكر
الليل نقضـــــــيه من بين الغلا والمزوح
فوق البحــــــــر والمحيط اللعب يبو عمر
ايسرالطراونه
الموال
يا مرحبا ترحيبة مــــــن صفــــــاها
لو تحتويها الشمس تكسف سناها
للــــــي علــى جزل القوافي بناها
واللــيل ليــل وساري الليل يحتاط
الوسيم
.
في مهمهي ابني الفكرة خيال وصــروح
لو هي على حد فكري وش يجيب الفكر
غير انهـــــــا فــــزعة ٍ ما بين سر ٍ وبوح
واكثـــــر حديث القوافي بين سر وجهر
محمد ظاهر الميهوبي
الموال
يامرحبـــــــــــا وهلين باللي لفا تو
من لابـــــــــــةٌ بالطيب دايم تعلو
ودنا نسوق الهجن سوقه مع الدو
-والليل ليــــل وساري الليل يحتاط
الوسيم
ما دام بــــــــــــرق الـــــحيا لذيب بان ويلوح
انحت صخر ياعميل الطيب وانحـــــــت صخر
لك دلــــــــــــةٌ من يمين الـذيب هيله يفوح
يالله عســـــــــــــى ليلة الليله يطيب السهر
مسلم عواد العميري
الموال
خلي صفــــاة رزاح تثقــــل عليها..
ناسا تفــــــــرك مـن هبلها يديها
ان كــــــان مــاجتنا ترى مـانجيها
والليـــل ليل وساري الليل يحتاط.
الوسيم
تابيني اســـــــــــكر البيبان كنها فــــتوح
اللي تشــــــــــوفه وكلك يالسنافي نظر
اكيد ودنا التفاعل بالــــــغــــــداه وصبوح
وانتــــه على جملة المـعنى عزفت الوتر
ايسر الطراونه
الموال
ارخي لهــــــا خيــل القصيد وتجهز
وانقي جزيل الحرف ثم خــــزها خز
دامــك غديت اليوم في ساحة العز
والليل ليــــل وساري الليل يحتاط
الوسيم
يا صاحبي خل عنك همـــــــــوم بقعا تفـوح
والله ما مـــــــــــــــن وراها كود قهر وقهـر
لا تحسب اللي مضى واركي رباب الجروح
واعـزف عليهــــــــــا اماني كان طاع الوتـر
احمد سحيمان الصخري
الموال
من شان بعض الناس يدرك لحجمه
لايختــــــــفي في تالي الليل نجمه
عندي لــــكم ياساحة الشعر هجمه
والليل ليل وساري الليــــل يحتاط
الوسيم
لاتســـــــكر الباب للاصـــحـاب والا تروح
مالك خــــــروج ٍ مؤكد وانت وسط الخطر
يامنجـــي ٍ نوح بعــــد اغرقتهم قوم نوح
مافادهم مكرهــــــــــم والله عليهم مكر
محمد ظاهر الميهوبي
الموال
ياسر
تعال وعطني العلم بعدين
الله يجيرك يا خويي عن الشين
والخـــــوه الزينه تراها مع الزين
الليــل ليل وساري الليل يحتاط
بعض المعاني تـــراها مثل غبق الصبوح
والبحر مــــالح وشوف المي جـال النهر
يمنى كريمه تــــرى وذيك مثله شحوح
واذا بــغيت العلـــــوم الليل واقطف زهر
مسلم عواد العميري
الموال
اصعد مـــعـــي لين القــمر والثريا
انت هـــــــناك تشــوش وانا هنيا
كــــــــلن على بدع القوافي تهيا
.والليل ليل وساري الليل يحتاط
الوسيم
احدن علــــى تـرابها واحدن يروم السطوح
.وانا هــجومــــي يجي مع هجمتك يالنمر..
اللي يشـــــوف العـــذوق العاليه بالنضوح
ماهــــــــــــو بمثل الذي ينقى لذيذ التمر
ايسر الطراونه
الموال
شـــرواك يــا محمد عريب المنابت
الاصـــل ثابت والمهــــــاقي ثوابت
عيني على شوف العزيزين شابت
والليل ليــــل وساري الليل يحتاط
الوسيم
يا مسندي جاك عـــــلم ٍ لو قريته يبوح
فيما غشاني غشاني دون سابق حذر
الهاجس اللـي بلا قيس الملوح يشوح
حولي ولا لــــــي حول اين ذاك المفر؟
احمد سيحمان الصخري
الموال
ابشر بمن يرقى معك للسماء فوق
والعمـــــر يامســلم بالايام ملحوق
دام الجسم يستقبل الدم بعـروق
والليل ليـــل وساري الليل يحتاط
الوسيم
ان كـــــــــان بعض العرب متنوي للنزوح
يغيب عــــــــــــامين عنا ماتعادل شهر
الليله اسقيك طاسه من حليب المسوح
واوقـــــــــد لك النار لين النار تصبح جمر
محمد ظاهر الميهوبي
مـــافيه شك وراعـي الشك خايب
وانا مــــعـك ياصاح والحال شايب
عل وعسى يفداك من كان عايب
والليل ليل وســـاري الليل يحتاط
الذيب لأنـــه عــــــــوى اقنب قنيبه ولوح
والشــــارده لا تعـــــــــدى ضربها بالنحر
الهاجـــس اللي تقوله وسط قلبي يجوح
المشـكله لـــــــــــو نفر اليوم وين المقر
مسلم عواد العميري
الموال
ادري واعـــرفك ماتخلي خـــــويك
تبيــع نفســــك دون حاجة صفيك
قليل مــــــن هو يالسنافي حليك
والليــــل ليل وساري الليل يحتاط
شفـــت اليتيمه تمر اليوم بعض الضروح
مــــاادري توعــــــــظ بهم واﻻ تدور قبر..
ودنا نجـــــول المطايا بين ربع وسحوح..
في يــــدك السوط وعيوني تقادح شرر
ايسر الطراونه
الموال
هل القصيد وجن الاشعـــار محترّ
العـــــــــالم الله ناوي ٍ قلبه الشر
يا جــــن كـــان الشعر به كر ٍ وفر
الليل ليــــل وساري الليل يحتاط
الوسيم
يا صاحبي ما لنا في ذي الحقيقة نزوح
من هـــــــو يداوي فواد ٍ شايب ٍ ما كبر
يا ويــــن ودي اهــــج و وين ودي اروح
ما للمعنى مكــــــــان ٍ كود طرد السفر
احمد سحيمان الصخري
الموال
لاهنت ياذيب الـــــوفاء ياكــــحيلان
ياللي بتقـــــدير الغلا شانكم شان
لاكن مانت بساحة الشعر سلطان
الليل ليل وساري الليــــــل يحتاط
الوسيم
الخــط واضـح مسـجل نقش في وسط لوح .
ارقب خـبر منــــك لاكن مــــــاوصلني خبر
والطــــبخه اللي على جمر المواصل تفوح
افطن لهـــــــــــــــا يامسلم والليالي عبر
محمد ظاهر الميهوبي
الموال
ساقت سحايب مزنها واستهلت
كــــم اقبلت ياصـاح بعدين ولت
مــا شفتها ياصاح من يوم طلت
الليل ليــل وساري الليل يحتاط
خلك معـــــي واترك العالم تروح وتسوح
واسمع كـــــــلام الذي اقدم ليال وعمر
بعــــــض العرب خبزته ينقال عنها لحوح
هيـــا نتعلابها والحــــــــــــر جاك وشهر
مسلم عواد العميري
الموال
يبــدو عليك انك قــــــريت الكتابه
لكــن بــــــه حرفن نقص باﻻجابه
خـــل العرب تسمع لصوت الربابه
والليل ليل وســـاري الليل يحتاط
الوسيم
العلــم واضــــــح وﻻيحتاح اية شروح
قــــــــــدام ﻻتطلب اﻻرقام دق الصفر
وانته تميز لهـــا واعرفك شاعــر لموح
محــــسوب عند العرب مانته باية نفر
ايسرالطراونه
الموال
كفـــو ٍ على كسب المــلمات ضاري
يا صاحبي مشكاك يبغى استشاري
والا تـــــرى للــــــحب راح انتــحاري
والليل ليــــل وســـاري الليل يحتاط
الوسيم
جيت انهض حلم بين الــرجا والطـــــموح
ولسان حــــــالي يقول الحلم مـا به وطر
جسمي نحل والعزايم في خيالي تسوح
يا علتي مـــــــا سلم منها هـذيل ومضر
احمد سحيمان الصخري
الموال
حسنــــي مبارك روحتبه سنينه
مافـــادته طولت عصـــاه ويمينه
دكــــــه زمـانه قبل وقته وحينه
والليل ليـل وساري الليل يحتاط
ادق رقمـــــك واكــــــرر يابعيد الشبوح
وبعض المــــــواقف ترى تحتاج قوة صبر
العلـــــم الاول يلــــوح وذاك بعده يلوح
ابعد مـــن الـــقاهره عن ريف دولة قطر
كانت المحاوره عبر صفحة ملتقى محيط الشعر
Copyright©2016 All Rights Reserved
