أهزوجة بلدي

بدنا نخوه وحميّه = وعزيمه صلبه وقويّه


تحمي الوطن ماعشنا = والرساله اسلاميّه


يا اهل الهمه والنوماس = والنخوه والحميّه


لازم الفساد يزول = ونجتثه شويّ شويّه


ونعيش بعزّه وكرامه = الوطن ليه أولويّه


الفاسد ماله مكان = يرحلْ محْنا تكيّه


بلدنا للشرفاء = ما تدوسه الحراميّه


لازم الخاين يزول = لو كانوا ألف وميّه


بدنا رجال فوارس = تفدي الوطن ياخيّه


تشيل الفاسد من جذره = وترميه وسط البريّه


عاري بلا ملايين = ولا معه هيشيّه


الوطن غالي غالي = وروحي اله هديّه


زاد البلا والفساد = ياأهالي الكوفيّه


الصبر طار ولّى = وهمتنا أردنيّه


بدنا ابلدنا إصلاح = من الراعي للرعيّه


والأردن مهد الأبطال = مايقبل بالدنيّه


وين العداله يا ناس = بدنا عيشه هنيّه


عاش الوطن يا إخوان = مافيه مثل الحريّه


فجر النصر عل الأبواب = بهتف باسم القوميّه


ناسي بأنه الإسلام = فخر الأمه العربيّه