قصيدة ” سالــــــــــومي “

*******
وفــ عـــــــز صيف الذكـريــــــــات
وتحت ضـــــــــــلة حب فـــــــات
جيتي فجأة .. من عوالم للممات
جيتي لابســــه توب “ســالومي”
تخــــدعيني ” معمــــــــــــــدان “
قلتي فاكر رقصة الشمس لفرحنا
فاكر الغنوة اللي طلعت من حدايق الرياحـــين
فاكر اسمـــــــــــي ؟ …. ولا ده جايز نسيت؟
فاكر الدمعة اللي باتت تحضن الحل المسافر؟
مشتقــــــــــــــــالك …
كنت ديما مشتقالك
كنت بعمل من سكاتك خيط حنان
أغـــــزله أتواب حنين
م كفـــــياكــــــي
… قلبي مات …
قلبي كان سبَّاح في بحرك
كان مصدق إنك الحلم الجميل
إنك الدنيا الصبوحة
شمس نايره فوق جبيني
بس مـــــــــــــات
يوم ما سمك بات في دمه
يا “سالومي” قلبي كان لك ” معمدان”
لو هترقص كل كلمة من كلامك
أو هيرقص حتى بانك
مش هصدق ……
كل دمعة من دموعك طوق بيخنق
وف سكاتك …
ثورة البركان ما تهمد
وتقوليلي مشتقالك !!!!!
إيه فاضلي تقتليه ؟!
قلبي مات …….
حتى جسمي …
راكب الريح للممات
تفضليلي يا ” سالومي ” ذكريات
بس أجمل ذكريات
قلب ميت
والكلام اللي عشقته
قالته حية
داسه كل السم فيه
إيه فضلي تقتليه
ذكريات ؟؟!!!!!!!