السلام عليكم ورحمة الله وبركاته 
****** ***

 اليوم السابع عشر من رمضان

يا ظريف الطول وقف تا اقول لك 
خاف الله بتنول وصومك احسن لك 
سبعتاشر يوم مروا من رمضان 
عاطريق الخير والعفه دلك 
احنا في رمضان بنصوم وبنقوم 
ما في عنا غل وبننسى الهموم 
يا ربي رمضان يفارقنا بسلام 
ونتمم رمضان مع تراويح وصوم 
سبعتاشر يوم صمنا والله اعان 
ثلتاشر يوم وبيفارق رمضان 
غالي يا رمضان عاللي بيصوموك 
عاللي بنص الليل بدمعه بيقوموك 
بتظلك للصبر والتقوى عنوان 
خاف الله وتوب العمر قصير قصير 
ما بدها تسويف تاجيل وتاخير 
ما بتعرف بتعيش تا يرجع رمضان 
ولا برمشة عين شو اللي راح بيصير 
اقبلنا يا رب وادخلنا الجنات 
ابدعت الآلاء في الكون وآيات 
غفوك يا رحمن عنا ذنوب كثير 
ما في منا فرد ما عنده زلات 
ان شا الله يا رمضان نكون من العواد 
ونبني صرح العز ونعيد الامجاد 
جايي جيل جديد ما بيرضى الاذلال 
را بيعيد العدل وتاريخ الاجداد