الله من قلــبً تهيض هــــجوســــــــه

قلبً يهيضه كل طاري وهوجـــــــــــاس

لااقبل ظلام الليل جتني نسوســــــــه

نسنس علي الهم والغم نسنــــــــاس

من بعد فرقا اللي زهنه لبوســـــــــــــه

الجادل اللـــــي لابسً حبها لبـــــــــــاس

اللـــي عليها القلب تقرع جروســـــــــه

لاحــــل طاريهـــا يدقن الاجـــــــــــراس

ابو نهودن في حشـــــاه امغروســــــــه

تفــــاح شام ولا غرسه اي غـــــــراس

وخـــــــدً وقــــــد وله عيونً نعوســـــــه

وزودً عــــلا ذالــــك وســاعً ونعـــــــاس

وجديلً اشقر فوق من متنه يموســــــه

وعــنق الغزال وعـــــود لين وميــــــاس

راحت وانا كبدي عليـــها امحموســــــــه

تحمس عليـــها حمس بنً بمحـــــــماس

لا جت له اعسوسي ولا جت اعسوسه

وبينـــي وبينـــه ما وصل كل عســــاس

وراع المـــحبه يبلشنه حسوســـــــــــه

دايم وراع الحــــب مرهف وحســـــــاس

ويانور عينـــــــي عــهدنا لا تدوســــــــه

  العهد امانــــــه والامانـــــه ماتنــــداس

انا اعـــــرف ان الوقت كثرت عكوســـــه

الوقت شيـــــن وحظنا صابه اعــــــكاس

هـــــــذا زمــــانً ماعرفنا جنوســــــــــه

به طيــب وخيـــب وبه كــل الاجنـــــــاس

الطيب اللـــــــي كب عنه الطفوســــــــه

نفســه عفيفه والردي فيده اطفــــــاس

وبعض العرب يضحك ونفسه نجوســـــــه

ناسً تقول اصــــحاب لو انها انجـــــــــاس

وبعــض العرب حبه لربعه نموســـــــــــه

وحب الـجمـــــاعه والرياجيل نومـــــــاس

هـــــذا وانا لـــــهمت دربً اروســـــــــــه

امش الخـــطر ودروب صعبه ماتنــــــراس

ولانيب اطب البحر قبل ان اقوســــــــــــه

وكلً عـــلا عقله وفكره له اقيـــــــــــــاس

ولا يستلج الضــــرس من غير سوســـــه

ولا يشــــغل التفكير ياكود وســــــــــواس

ولا تعســــف المهره بليا فـــــــــــــــروسه

ولا يســــــوس الخــــيل ياكود ســــــــواس

والعـــــرف بين النــــاس تثبت سيــــــوسه

مثل العمــــــاره ماتشيد بلا ســـــــــــاس

وجعل الســــحاب اللي تكابس كبــــــوسه

اللــــي مع المنشا سراله تكيبـــــــــــاس

يسقـــــــي ديارً صار فيها يبـــــــــــــــوسه

وينبت شجرهــــــا عقب ماكان يبــــــــاس

ينبت شجرهــــــا والغضى في طعوســـــه

وتســـــيل شعبانً يدكن الاطعــــــــــــــاس

وتستانس العـــــــربان لا جت نسوســـــــه

لاهــــب نسناس المطر تفرح النــــــــــاس

الشاعر

يالله دخيلك من جفا الاحباب وظروف الزمان

اللي علي تطاولت من كل حدب وكل صوب

ياوين بالقا من معه باشعر بشي امن الأمان

ياوجد حالي كل مااقبل لليل من بعد الغروب

يامنوتي ياشيخة الخفرات ياروح الحنان

 لاتتركين اللي يحبك صدق ماهو لك لعوب

في  ذمتي ماحدن خذه غيرك و وصله الجنان

الا غلاك وحبك اللي صار زاده والشروب

عليه شحيت الوصل ثم ضاق وتنهت وشان

وجه غدا  من لوعت  الايام ياخله شحوب

ارحم حبيبك كان باقي للغلا عندك مكان

من ذاب لك ماهو حرام أنك علاشانه تذوب