|
|
|
|
سفينه وماشيه بينا فى وسط بحر الحيرانين قبطانها عاش حياته جوه امواج السنين بناها زى نوح مابنى حلمه الجميل كان بيحلم طول حياته تبقى سفينه حلمه الطويل كان بيرسم فى كل مرسى من رمل موجه وفجأة صرخ باعلى صوته هو الموج بيعلى ولا احنا فى مركب غرقانين ولا الشط عالى وموجه اقوى من السنين يادنيا دورى بينا واخدنا الحياه لفين من امته كانت شطوطك هى موتك وسط صوت عاش بيحلم بالحياه مع قلبه عاش جواه طول السنين هو الموج بيعلى وبيصرخ بصوته الاليم يا بحر فين هدوئك اللى عاش جوانه صمته عاش بيحلم طول حياته يسكن فى قلوبنا الحنين ليه يابحر خدت صمتى ويا صوتى ومبقاش لينا غير دموعك عايشه تصرخ طول حياتنا وكأن موجك خد حياتنا ومسبلناش غير ذكريات حزن وجراح عايشه فينا زى روحنا وكأن روحنا بتنسحب جوانا وتسيب اثارها ويا خوفنا من بحور الغرقانين هو الشط عالى ولا احنا فى مركب غرقانين يابحر شوفت فيك اكتر من ميه حكايه كلها عن ناس عاشت معاك اجمل روايه شوفت مثلا ناس بتضحك وناس بتفرح وتستنى لحظه غروب وناس حزينه وناس بتبكى وناس مستنيه ناس معاك تحيى القلوب شوفت فيك ناس بتضحك وناس بتستنجد بلحظه تحيا فيها لحظه واحده من موج الماضى وحنينه بتدور على عمر تانى يمكن تلقى فيه سنينه ليه يابحر شايف وساكت كل سكانك سابوك وبمجرد موجك مايخلص تلقى احبابك باعوك وبتمن رخيص مايسوى نقطه فى بحر ناس خانوك. يندمو على كل لحظه سابو قلبك بين جراحه مش هتفرق موجه عايمه فى بحر امواجه اللى راحو... ليه تخلى العمر بينا يمشى من غير ماتدور عليه شوفت فيك اجمل حياتى شوفتك جوايا مشاعرك عشت بيك وعشت ليك وعشت مستنى تشوفنى وانا تايه بدور عليك تبقى قدامى بملامحك لسه شايف نبض موجك بينادينى لسه سامع همس صوته وهو بيقولى احضنينى خد بايدى خدنى جمبك خدنى بقلبى وروحى كل مادا بعدى عنك دايما بيزود جروحى. خدنى جمبك هتلاقينى حاجه منك زى منت هشوف فى عينك عمرى وسنينه فاكر لما كنت جمبك لسه فاكر يوم حبايبك مهما قولت العمر بينسى السنين عمرى ما انسى اى لحظه عشت فيها يوم حنين كل الناس تايهه فى موجك الا قلبى انت موجه بيك بيعلى وبياخدنى لدوامه السنين ياما قابلتنا العواصف والسفينه ماشيه بينا زى ما احنا بتلاقينا حاجه واحده لايمكن تبعد يوم مابينا اى لحظه عشنا بيها زى ما احنا لازما تقوينا السنين بس ليه موجك بيعلى انت خايف ولا عارف ولا هدتك السنين ولا الموج بيعلى بينا.... ولا احنا فى مركب غرقانين ....... بقلم . محمد العرفى. الكاتب:
مراقبة التحرير والنشر بتاريخ: الأربعاء 23-10-2024 10:13 مساء
الزوار: 7153 التعليقات: 0
|
Copyright©2016 All Rights Reserved
