-
أقفيت من عنده وأنا خاطري شين وأذكر قبل ممشاي عيني بعينه وصديت قبل أطيح دمعه من العين ودمعة رجل لا شافها الناس شينه اثر الفراق ايقطع القلب يازين كنه عدون يطعنك من يدينه تدرون ويش الموت؟ انا اقول ذلحين حبك لشخصن حيل بينك وبينه ميت على شوفته من عدت اسنين والحظ يبعد بك ونفسك حزينه كنگ سجينن طوقته الزنازين حكم عليه اعدام ظلم وغبينه تحداك عنه اسلوم ويردگ الدين وقلبك مثل جر الربابه ونينه وقدامك ارجالن تضد المعادين اعيال عمه كل مخطي تهنيه هاذي سوات الحظ ظربة سكاكين واقف لنا ياجعل تبتر يمينه
-
الشاعر بندر الزراقي
اضحگ وانا علتي بالجوف مخفيه وابين الضحگ لجل اعداي ماتفرح
السم ماهو ببطن الداب والحيهـ السم لاصار جوفگ حاجتن تجرح
والجرح ماهو بجرح اطعون شبريهـ لا والله الا جروحن فالحشاء تمرح
والكسر ماهو كسر في صبح عيديهـ الكسر لاحتجت لكن مستحي تشرح
حدگ زمانگ وعشت اشياء واهميهـ تحمل لگ الات زمان وتجمع وتطرح
جاير عليگ الدهر والروح مبريهـ تسرح وتضوي وترجع مثل ماتسرح
مرات في شمس ومرهـ تدخل الفيئه وليلگ يسل السيوف ابظربه المبرح
والحاجهـ الي وراء العربان مخفيهـ تشبهـ لجاني تخفى خوف لايطرح
قضيته كايدهـ ماهي بمقضيهـ خايف ومن زود خوفه ماقدر يمرح
ويالله انا طالبگ تصلح لي النيهـ وانگ تفرحني قبل اعداي لاتفرح
#بندر_الزراقي
-
الشاعر بندر الزراقي
الطيب سيف وكل رجلً وسيفهـ كلً بيسفه لا وقف يرعب اعداه
صاحبهـ يرقى به وخصمه يخيفهـ من سطوتهـ كل الرياجيل تخشاه
شامخ كما روس الجبال المنيفهـ راسهـ على هام السحب و يتعداه
مجلسهـ مابين الرجال الشريفهـ لانهـ خذا موقعهـ من فعل يمناه
امحالف النوماس يبقى حليفهـ ويكفخ كما كفخ الحرار المسماه
شهمً فتح بابهـ على شان ضيفهـ لا يستحي من طقتهـ ويتعداه
المال في جيبهـ لايمكن يضيفهـ يفزع لمحتاجن ينادي ونخاه
ولا الردى سكين داقم ضعيفهـ راعيه تتباشر عدها وتعشاه
وراع الردى كل النشاما تعيفهـ حتى بني عمهـ تبى منهـ فرقاه
مرآ كما الحنظل وباالفعل جيفهـ لو انگ اتوصيهـ ما ينفع اوصاه
ولافاد ربعهـ فالليال الصليفهـ ومن لايفيد الربع لاعاد ترجاه
خسارة انهـ ضمن ربعگ تضيفهـ المفترض يبعد ولاحد بيبغاه
والرجل يختار الدروب النظيفهـ يسلگ طريقً كل رجل ايتمناه
لايلتفت لهل العقول الخفيفهـ حذراهـ من خبل العرب ثم حذراهـ
يشوم عن بعض العلوم السخيفهـ ترى كلام الناس يعرف وش اقصاه
والطيب سيف وكل رجلً وسيفهـ وكلً بسيفهـ لا وقف يرعب اعداه
ولا الردى سكين داقم ضعيفهـ راعيه تتباشر عدها وتعشاه
#بندر_الزراقي