مـكتوب لـي حـيٍّ واشوفك هنا حي
والـجـمره الـلـي مـن مـواسمك حـيه

قـلـنا كـثير مـن الـعتب مـابقى شـي
الــوقـت جــايـر والـثـنـين الـضـحيه

مـاتـرفق الـدنيا بـاحد .. ارفـقي بـي
وانـسـي زمــان حـروفـنا الاعـجـميه

هـذا انـت قدامي بشر ضحكتك هي
كَــنــا عــلـى مـيـعـاد جـيـنـا ســويـه

صـدفـه ولـكـن تـكـوي جـروحنا كـي
لا فـــــي دواك ولابــــك الـمـرحـمـيه

خل السنين اللي مضت تنطوي طي
مـاكـنـها لاشــفـت عـيـنك .. جـحـيه

اضفي على حرجة ضماي اروني ري
لاتـذبح حـظوظ الـصدوف الـسخيه

اغـنـم ثـوانـي عـانـدت حـظنا الـسي
جـــت تـسـتغيث غـصـونا الـعـامريه

شـفني مـن الشوق التوي بالجمر لَي
ارجــي وفــا نـبـض الـقـلوب الـبـريه

لـك فـرحة الـلقيا وانـا فرحتي..لي
خـذهـا وانـا اخـذ فـرحتي مـرجعيه

لـحظه رست بعيوننا واختفى الحي
مـاغـيـر انـــا وايــاك .. و الـشـاعريه