يرصد ملامح بسمتك ساهر الروح 

على الطريق اللي على القلب تواق 

كله على شانك تجي معه وتروح 

داخل خفوقي صورتك وانت سواق 

ولوتلتزم بالانظمة ما أنت مسموح 

ويمسح قسايم سرعتك : حسن الأخلاق 

ومخالفات الصمت .. تسديدها : البوح 

على الوفاء والعز من جوا الأعماق 

ما هو بحب شوي من شان مصلوح 

ومن بعد ماقلته على بيض الأوراق

سر يا قلم واكتب ترى البال مشروح 

ماني هواوي ينثر الدمع لا ضاق 

باسباب حبه والهوى عاد : مكسوح  

طاوع هواه ومحرقن قلبه احراق 

ماله جدى الا يندب الحظ واينوح 

والا الجمل يشتال وايقاد وايساق 

ولا عابه ان قاده من البيض : مملوح

ولاني غشيمن للخطا دوم سباق 

شعره على ذم الموالين مفضوح 

إن ما كتبنا اشعارنا لأهل الاذواق 

والا عسى شعرن بدعناه ممسوح 

تم النشر بالتنسيق والتعاون مع منتدى عروس الشمال