يا رب ضاقت ولا لي اي معيني
ايّاك ادعوه يفرجها عليّه

انت العزيز المعز وانت المهيني
جل جلالك ملك كل البريه

زهرة سنيني جفت زهوة سنيني
ميّت وسَط غربتي والرّوح حيّه

للفقد بنتٍ تبيّن هي تبيني
معها اهيجن ديار اليعربيه

ما عاد قلبي يسع لْ شوق فيني
كبْر الثّرى والوله كبْر الثريّه

كن الحزن يتْبع بْ جرّة أنيني
من وين ما وجّهِت ملصوق بيّه

ابعد عنَه في فَمِي وايطب عيني
ومن زود قربه مورثْه ف وصيه

وأيْسِر ورى الحاجه وتصبح يميني
وايغيب بدر الفرح في كل مسيّه

واعطي ولا ارجي من الناس اتعطيني
وقصّيت يد الفكر ما مد اديّه

يالله يا مسري الدم بالوتيني
تفزع لعبدٍ دَنَت منْه المنيّه

طال الفراق و طريقي صاح ويني
متى اجي من مراح بغير جيّه؟